Bakı Şəhər Mədəniyyət Baş İdarəsinin tabeliyində olan 24 nömrəli Onbirillik Musiqi Məktəbində Zəfər və Bayraq Gününə həsr olunmuş konsert keçirilib.

Tədbirdə şəhid ailələrinin üzvləri, qazilər və digər qonaqlar iştirak ediblər.

Əvvəlcə şəhidlərimizin əziz xatirəsi bir dəqiqəlik sükutla yad edilib.

Sonra bu əlamətdar günlərin mahiyyəti barədə geniş məlumat verilib. Konsertdə məktəbin respublika və beynəlxalq müsabiqələr laureatı olan şagirdləri və müəllimləri konsert proqramı ilə çıxış ediblər.

Həmçinin konsert zamanı məktəbin istedadlı rəssamı Əminə Feyziyeva rəsmlərini çəkdiyi şəhidlərimizin tablolarını tədbirdə iştirak edən dəyərli şəhid ailələrinə təqdim edib.