Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzinin və Bakı Şəhər Gənclər və İdman İdarəsinin Qaradağ rayonu üzrə gənclər və idman sektorunun birgə təşkilatçılığı ilə "102 ilin zirvəsi: Heydər Əliyev əmanəti və gələcək nəsillər" adlı dəyirmi masa keçirilib.      

Dahi şəxsiyyət Heydər Əliyevin anadan olmasının 102-ci ildönümü ilə əlaqədar keçirilən dəyirmi masada mədəniyyət müəssisələrinin əməkdaşları, 166 nömrəli tam orta məktəbin müəllim və şagird kollektivi, Dövlət Sərhəd Xidmətinin "N" saylı hərbi hissəsinin zabit heyəti iştirak ediblər.     

İlk öncə Azərbaycan Respublikasının Dövlət Himni səsləndirilib. Ulu Öndər Heydər Əliyevin əziz xatirəsi bir dəqiqəlik sükutla yad edilib.                    

Tədbirdə qeyd olunub ki, müstəqil, suveren, qüdrətli və güclü Azərbaycan Ümummilli Lider Heydər Əliyevin şah əsəridir. Xalqımızın nicatı, ölkəmizin sürətli inkişafı, bugünkü qələbələrimiz məhz Ulu Öndərin adı ilə bağlıdır.

Tədbir çərçivəsində Ulu Öndərin həyat və fəaliyyətindən bəhs edən "Azərbaycan və Heydər Əliyev" qısametrajlı filmi nümayiş etdirilib.