XƏBƏRLƏR
MƏLUMAT
Azərbaycanın Əməkdar artisti İtaliyada operada baş rolda çıxış edib
ÜMÜMİ XƏBƏRLƏR
20/02/2024 14:16

Əməkdar artist Afaq Abbasova İtaliyanın Lukka şəhərində görkəmli italyan bəstəkarı Cakomo Puççininin şah əsəri olan “Madama Butterfly” operasında çıxış edib.

AZƏRTAC xəbər verir ki, opera 120 illiyində Teatro del Giglioda yenidən şəhnələşdirilib. “Madama Butterfly” rolunu Afaq Abbasova ifa edib, tamaşanın dirijoru Alessandro D’aqustino olub.

Tamaşa ilə bağlı təəssüratlarını dilə gətirən Əməkdar artist deyib: “Maestronun şəhərində onun şah əsəri, fəlsəfi mənada mürəkkəb vokal texnikasına malik, obraz baxımından isə olduqca çətin olan “Madama Butterfly” rolunu ifa etmək mənim üçün həm şərəfli, həm də məsuliyyətli idi. Tamaşa və mənim ifam böyük alqışlarla qarşılandığı üçün çox sevincliyəm. “Madama Butterfly” operası ilə maestronun vətənində debüt etmək ayrı bir zövq idi. Mənə dəstək olan hər kəsə minnətdarlığımı bildirirəm”.

Nihad Budaqov

AZƏRTAC -ın xüsusi müxbiri

Roma

Baxış sayı: 121