Luvr Muzeyi fransız dilində Musée du Louvre adlandırılır. Dünyanın ən məhşur rəsm muzeylərindən biri hesab olunur. Luvr muzeyi 8 noyabr 1793–cü ildə adi vətəndaşlar və ümumi xalq üçün açıq elan edib. Muzeyin binası qədim kral sarayının binasıdır (Palais du Louvre). XIV Lüdovikin atlı heykəli meydanın başlanğıcını göstərir, həmçinin bura Parisin ən qədim, tarixi hissəsi hesab olunur. Luvrun əsas hissəsini qala-istehkam tutur. Həmçinin, burada 1190-cı ildə kral Filip Avqust tərəfindən inşa edilmiş Böyük Luvr qalası da var.

Muzeydəki rəsm nümunələri öz çəkilmə dövrlərinə görə seçilir və Fransada müxtəlif kolleksiya yığan insanların vaxtı ilə şəxsi pulları vasitəsilə aldıqları çoxsaylı əsərlər də saxlanılır. Bu proses Kapetinqlər sülaləsinin dövründən etibarən formalaşmağa başlayıb.

Bu muzeydə demək olar ki, hər şey var. Buna görə də muzeyi universal adlandırmaq mümkündür. Onun kolleksiyasına böyük coğrafi və tarixi nümunələr daxildir. Burada Qərbi Avropadan tutmuş İran, Yunanıstan, Misir və Yaxın Şərq incəsənətinədək nümunələrə rast gəlmək olar.

Muzeyə çoxlu sayda kralllara aid olan, həmçinin onların şəxsi əşyalarından ibarət olan dəyərli kolleksiya nümunələri verilməyə başlanıb. İntibah dövrü ərzində sonsuz sayda heykəllər və mülklərə daxil olan əşyalar Muzeyə gətirilib.

Sonrakı dövrlərdə isə Napoleonun hakimiyyəti zamanı müharibələr nəticəsində muzeyə gətirilən memarlıq nümunələri artmağa başlanıb və həmin illərdə də Misir, Yaxın Şərq ölkələrindən incəsənət əsərləri gətirilib.

Həmçinin qeyd etmək lazımdır ki, çox insanlar öz şəxsi mülkərini vəsiyyətlərinə əsasən Luvr muzeyinə verməyi daha üstün sayırlar. Bunlardan biri də tanınmış kolleksiya yığanlardan olan Edmund Rotşild olub. Onun yığdığı kolleksiyaların çoxu XIX və XX əsr nümunələri hesab olunur.

Luvrun tanınmış və ən məhşur əsərlərindən biri olan “Cakonda” (Leonardo da Vinçi) və “Valehedici bağban” (Rafael) rəsmləri I Fransiskoya aid idi. O, “Cakonda” rəsmini 1519-cu ildə əldə edib. “Kane Qalileyskodakı nikah” (Paola Veroneze) əsəri 1798-ci ildə Venesiya kilsəsindən oğurlanıb. “Balaca yoxsul” Murilyonun əsəridir və 1782–ci ildə XVI Lüdovik tərəfindən alınıb. “Krujeva toxuyan” – əsərinin müəllifi Vermeradır və “Qanqalla avtoportret” rəsmi Dürerin idi.

Bu kimi rəsm əsərləri 1870–1922-ci illərdə muzeyə verilib. Son olaraq isə El Qrekonun “İsa peyğəmbərin xaç suyuna çəkilməsi” adlı əsəri muzeyə verilib.

Luvrun ən tanınmış eksponatları: “Hamurappinin qanunlarının siyahısı”, “Milisli Venera”, “Nika Samofraki”, “Cakonda” (“Mona Liza”) və Leonardo da Vinçinin başqa rəsmləri, Rembrant, Tisianın rəsm əsərləri, “İdarəedən xalqın azadlığı” Delakruanın fırçasının məhsulu sayılır. Luvr dünyada ən çox ziyarət edilən muzey adlandırılır.

Luvr muzeyində müxtəlif şah əsərlər saxlanılır ki, bu əsərlər də hər biri ayrı – ayrı mədəniyyətə, dövr və sivilizasiyaya aiddir. Ümumiyyətlə isə muzeydə 300 000 eksponat olmasına baxmayaraq, onlardan yalnız 35 000-nə qədəri gələn insanlara təqdim olunur. Bəzi eksponatlar isə xüsusi qoruma şəraitində saxlanılır və bu kimi əsərlər üç aydan artıq ard – arda gələn insanlara təqdim olunmur. Bunun əsl səbəbi isə həmin eksponatların öz daimi görkəmlərini itirməsidir. Məhz həmin əsərlər xüsusi qaydalara əsasən mühafizə olunur.