28 və 29 mart tarixlərində Bakı Şəhər Mədəniyyət Baş İdarəsinin dəstəyi , Qazaxstan Respublikasının “Xoşbəxt ölkənin uşaqları” adlı İctimai Fondu və Cövdət Hacıyev adına 3 nömrəli Onbirillik Musiqi Məktəbinin birgə təşkilatçılığı ilə “Bız bakıttı balamız “ adlı çoxjanrlı beynəlxalq müsabiqə keçirilib.

Müsabiqədə müxtəlif nominasiyalar və müxtəlif yaş qrupları üzrə Bakı şəhərində , bölgələrdə fəaliyyət göstərən musiqi və incəsənət məktəblərinin , İncəsənət Gimnaziyasının şagirdləri, habelə Azərbaycan Milli Konservatoriyası nəzdində Musiqi Kollecinin və Ü.Hacıbəyli adına Bakı Musiqi Akademiyasının tələbələri iştirak edərək laureat adını qazanıblar.

Musabiqədə Azərbaycan , Qazaxstan və Özbəkistan respublikalarından ümumilikdə 197 şagird iştirak edib. Hər yaş qrupunda müxtəlif nominasiyalar üzrə şagirdlərə 1-ci, 2-ci , 3- cü dərəcəli laureat diplomları , medal və kuboklar, sertifikat və diplomlar , ən yüksək nəticə göstərən şagird və ansambl qruplarına isə Qran Pri mükafatı təqdim edilib.

Təşkilat komitəsi tərəfindən müsabiqəyə şagird hazırlayan müəllimlərə fəxri fərmanlar, fəal iştirak edən məktəblərə isə təşəkkürnamələr təqdim olunub.

Müsabiqədə münsiflər heyətinin üzvləri : Azərbaycan Milli Konservatoriyasının professoru, Əməkdar müəllim Ramiz Əzizova, Bakı Musiqi Akademiyasının professoru, Əməkdar müəllim, Sənətşünaslıq üzrə fəlsəfə doktoru Hökümə Əliyeva və Əməkdar Mədəniyyət İşçisi Tamilla Məmmədovaya təşəkkürnamə və hədiyyələr təqdim edilib.