Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayında “Yaşıl dünya naminə həmrəylik ili” çərçivəsində “Yaşıl dünyanın mühafizəsində mədəniyyətin rolu” adlı tədbir keçirilib.

Tədbir Mərdəkan Mədəniyyət Sarayı, 8 nömrəli Uşaq-Gənclər İnkişaf Mərkəzi, Xəzər Rayon Gənclər və İdman İdarəsi və Elm və Təhsil Nazirliyinin Dendrologiya İnstitutu ilə birgə təşkil olunub.

Tədbirdə rəsmilər, elm və mədəniyyət xadimləri iştirak ediblər.

İlk öncə 8 nömrəli Uşaq-Gənclər İnkişaf Mərkəzinin və Mərdəkan Mədəniyyət Sarayının rəsm kursunun tələbələrinin “Yaşıl dünya naminə həmrəylik ili”nə həsr olunan rəsm sərgisinə baxış keçirilib.

Daha sonra “Qlobal iqlim dəyişikliyi”nə həsr olunan videoçarx nümayiş olunub.

Çıxışçılar qeyd ediblər ki, Azərbaycanın COP 29-a ev sahibliyi etməsi və beynəlxalq ictimaiyyətdən dəstək alması bir daha ölkəmizə olan hörmət və etimadın göstəricisidir.

Sonda tədbir iştirakçıları və sərgidə fəal iştirak edən şagirdlər Diplom və Təşəkkürnamələrlə təltif ediliblər.