Bakı Şəhər Mədəniyyət Baş İdarəsinin təşkilatçılığı ilə 33 nömrəli Uşaq Musiqi Məktəbində görkəmli bəstəkar, dirijor, pedaqoq, Azərbaycanın Xalq artisti, Dövlət mükafatı laureatı, "Şöhrət" ordenli, professor Süleyman Ələsgərovun anadan olmasının 100 illiyinə həsr olunmuş tədbir keçirilib.

Tədbirdə Süleyman Ələsgərovun həyat və yaradıcılığından geniş söz açılıb. Görkəmli bəstəkarın Azərbaycan professional musiqisində böyük irs qoyduğu vurğulanıb. Diqqətə çatdırılıb ki, Azərbaycan musiqi sənəti tarixində mühüm xidmətləri olan Süleyman Ələsgərovun 100 illik yubileyi ölkəmizdə geniş şəkildə qeyd edilir.

Sonra məktəbin şagirdləri geniş və rəngarəng konsert proqramı ilə çıxış ediblər. Onların ifasında S.Ələsgərovun əsərləri maraqla qarşılanıb.