Bakı Şəhər Mədəniyyət Baş İdarəsinin tabeliyində olan Şüvəlan qəsəbə Mədəniyyət evi və Fuad Fərhadoğlu adına 230 nömrəli tam orta məktəbin birgə təşkilatçılığı ilə Zəfər Günü və Dövlət Bayrağı Gününə həsr olunmuş “Atanın şikayəti ” adlı tamaşa təqdim olunub.

Əvvəlcə Azərbaycan Respublikasının Dövlət Himni səsləndirilib, torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Bədii rəhbəri Güləndam İskəndərova, ssenari müəllifi və rejissoru Polad Ağa İbrahimov olan tamaşa, “Qaravəli” xalq teatrının və Mədəniyyət evinin dram dərnəyinin üzvlərinin ifasında təqdim olunub.