Bakı Şəhər Mədəniyyət Baş İdarəsinin tabeliyində olan Şüvəlan qəsəbə Mədəniyyət evi və Fuad Fərhadoğlu adına 230 nömrəli tam orta məktəbin birgə təşkilatçılığı ilə  Zəfər Gününə və Azərbaycan Respublikasının Dövlət Bayrağı Gününə həsr olunmuş “Sənə Zəfər Yaraşır Azərbaycanım!” adlı tədbir keçirilib.                                              

İlk öncə Azərbaycan Respublikasının Dövlət Himni səsləndirilib, torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Çıxışlarda Prezident, Müzəffər Ali Baş Komandan cənab İlham Əliyevin rəhbərliyi altında 44 gün ərzində Azərbaycan ordusunun qazandığı tarixi qələbədən söhbət açılıb. Bildirilib ki, İkinci Qarabağ müharibəsində əldə olunmuş zəfər, ordumuzun gücünün, xalqımızın birlik və həmrəyliyinin bariz təcəssümü idi.

Həmçinin qeyd olunub ki, Azərbaycan bayrağı millətimizin və dövlətimizin simvolu, bizim mənəvi sərvətimizdir. Tarixin keşməkeşli yollarından keçmiş müqəddəs bayrağımız artıq düşmən işğalından azad olunmuş torpaqlarımızda dalğalanır.

Tədbirin bədii hissəsində mədəniyyət evinin “Səma” rəqs ansamblı, “Məşəl” rəqs qrupu və məktəbin şagirdləri çıxış ediblər.