Kamran Quliyev 1958 - ci il  sentyabrın 9-da Naxçıvan şəhərində anadan olub. 1981-ci ildə M.A.Əliyev adına Azərbaycan Dövlət İncəsənət İnstitutunun Mədəni-maarif fakültəsinin qiyabi şöbəsinə daxil olub 1986-cı ildə İnstitutu bitirib.

1997-ci ildən teatrın baş rejissorunu əvəz edib. 2004-cü il fevraldan teatrın direktoru və baş rejissorudur.

Teatrda işlədiyi müddətdə H.Cavidin “Şeyx Sənan”da Keşiş, “Uçurum”da Uluğ bəy, “Ana”da Səlim, “Topal Teymur”da Əmir Teymur, A.N.Ostrovskinin “Günahsız müqəssirlər”də Neznamov, A.Dudayevin “Astana”da Nikolay, H.Arzulunun “Əlincə qalası”nda Əmir Altun, “İtilənən Xəncərlər”də Qubuşov, C. Məmmədquluzadənin “Kamança”da Qəhrəman Yüzbaşı, “Anamın kitabı”nda Mirzə Məmmədəli, O.Kamalın “Yad qızı”nda Məzhər bəy, A.Turan Oflazoğlunun “Dəli İbrahim”də Silahdar Yusif, N.Nərimanovun “Nadir şah”da Nadir şah, N. Həsənzadənin “Atabəylər”də Qızıl Arslan, “Pompeyin Qafqaza yürüşü”ndə Pompey, İ. Əfəndiyevin “Hökmdar və qızı”nda İbrahim xan və s. rollar oynayıb.

Rejissor kimi Anarın “Sizi deyib gəlmişəm”(1992-ci il), Həmid Arzulunun “İtilənən xəncərlər”(1996), “Ərsizlər və arsızlar”(1999), “Mərhəmət məhəbbət deyil” (2003), Rauf İçərişəhərlinin “Arzum çin oldu” (1997), “Kələkbaz qızlar” (1999), Ramiq Muxtarın “Şəhərli kürəkən” (1998), Ü.Hacıbəylinin “Arşın mal alan” (1999), Həsən Elsevərin “Qorxulu oyun” (2000), Hüseyn Cavidin “Topal Teymur” (2000), “İblis” (2003), Elçinin “Mənim ərim dəlidir” (2001), “Mənim Sevimli dəlim” (2002), İlyas Əfəndiyevin “Şeyx Xiyabani” (2001) Adil Babayevin “Yarımçıq şəkil” (2001), Nəriman Həsənzadənin “Pompeyin Qafqaza yürüşü” (M.Fərzəlibəyli ilə birlikdə 2002), İsi Məlikzadənin “Gəl qohum olaq” (2002), Mizrə Fətəli Axundzadənin “Lənkəran xanın vəziri” (2004), Hidayətin “Bu dünyanın adamları” (2004), Cəlil Məmmədquluzadənin “Dəli yığıncağı” (2005), Elman Həbibin “Sahilsiz çaylar” (2005), Mir Cəlalın “Dirilən adam” (2006) əsərlərinə quruluş verib.

1987-ci ildə “Azərbaycan SSR-nin Əməkdar artisti”, 1999-cu ildə “Azərbaycan Respublikasının Xalq artisti” fəxri adlarına layiq görülüb.