Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 1 nömrəli filialı 8 Noyabr -Zəfər günü ilə əlaqədar “Zəfər tarixi uşaqların gözü ilə” başlıqlı şeir və rəsm müsabiqəsi təşkil edib.

Sentyabrın 27-dən başlayan, 44 gün davam edən və Dağlıq Qarabağ da daxil olmaqla işğal altındakı ərazilərimizin qaytarılması ilə nəticələnən Vətən Müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrilib. Azərbaycan xalqı öz liderinin - müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirib. Bu real faktordur ki, bütün müharibələrdə əsas sözü xalq və onun ordusu dediyi kimi uğurlu zəfərlərdə sərkərdənin də çox böyük rolu olur. Bu gün Azərbaycan xalqı hansı səviyyədə uğurlu sərkərdəyə - Ali Baş Komandana sahib olduğunu aşkar görüb. Prezident İlham Əliyev yalnız hərb meydanında müzəffər sərkərdə deyil, diplomatik cəbhədə böyük strateq nümunəsi ortaya qoyub, informasiya müharibəsində Azərbaycanın haqq səsi olub, cəsarətlə bütün təzyiqlərə sinə gərib, öz xalqı ilə vəhdətdə olan lider kimi mübarizlik rəmzinə çevrilib.

Beləki, Zəfər gününü qeyd etmək üçün təşkil olunmuş  “Zəfər tarixi uşaqların gözü ilə” başlıqlı müsabiqəyə qatılan uşaqların söylədikləri Vətənə həsr olunmuş şeirlər 1 noyabr tarixindən başlayaraq kitabxanaya videoçarx şəklində təqdim olunur. 4 noyabr tarixinə qədər davam edəcək müsabiqəyə qatılacaq uşaqlar arasında qalib təyin olunacaq. Qaliblər Fəxri Fərman və hədiyyələrlə mükafatlandırılacaq.

Müsabiqə ilə bağlı material kitabxananın sosial media səhifələrində paylaşılıb:

https://facebook.com/story.php?story_fbid=2023421471148812&id=100004429351745

https://www.instagram.com/p/CVubt9MM30g/?utm_medium=copy_link