XƏBƏRLƏR
MƏLUMAT
“Aprel yüksəkliyi” sənədli filmi nümayiş olunub
ÜMÜMİ XƏBƏRLƏR
04/04/2025 10:06

Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində  “Aprel yüksəkliyi” sənədli filmi nümayiş olunub.

Filmi Yasamal rayon 133 nömrəli tam orta məktəbin müəllim və şagird kollektivi izləyiblər.

Film 2016-cı ilin aprel döyüşləri zamanı ordumuzun mühüm strateji əhəmiyyətə malik Lələtəpə yüksəkliyinin azad edilməsində şücaət göstərən Şükür Həmidovun döyüş yolundan bəhs edir.

Qeyd edək ki, Şükür Həmidov Azərbaycan Respublikasının Prezidenti İlham Əliyevin  22 aprel 2016-cı il tarixli Sərəncamı ilə "Azərbaycanın Milli Qəhrəmanı” adına layiq görülüb.

Milli Qəhrəman Şükür Həmidov 2020-ci ilin sentyabrında başlanan İkinci Qarabağ müharibəsində Cəbrayıl, Füzuli və Qubadlıda gedən döyüşlərdə vuruşub, oktyabrın 22-də isə doğulduğu və 18 yaşında didərgin düşdüyü Qubadlı rayonunun azadlığı uğrunda gedən döyüşlərdə şəhid olub.

Baxış sayı: 54