Fevralın 26-da Bakı Şəhər Mədəniyyət Baş İdarəsinin təşkilatçılığı ilə H.Abbasov adına Mədəniyyət Mərkəzində Xocalı soyqırımının 34-cü ildönümü ilə əlaqədar “Doğma torpaq” adlı tammetrajlı bədii filmi təqdim olunub.

Nümayişdən öncə məlumat verilib ki, “Doğma torpaq” adlı tammetrajlı bədii filmi Azərbaycan Respublikası Mədəniyyət Nazirliyinin dəstəyi ilə “Narimanfilm” Prodakşn tərəfindən çəkilib.

Ssenari müəllifi və quruluşçu rejissoru İlqar Safat olan filmdə Azərbaycanın yaxın tarixinin üç önəmli mərhələsi işıqlandırılır. Bunlar indiki Ermənistan ərazisində – tarixi Azərbaycan torpaqlarında yaşayan soydaşlarımızın öz doğma yurdlarından qovulması, I Qarabağ müharibəsi, xüsusən Xocalı soyqırımı və Ordumuzun 44 günlük Vətən müharibəsində şanlı Qələbəsidir.

Daha sonra film təqdim edilib.