Bu gün aktyor Cabir İmanovun doğum günüdür. Cabir Qorxmaz oğlu İmanov 22 iyun 1976-cı ildə Bakıda anadan olub. Azərbaycan Dövlət İqtisad İnstitutunda iqtisad (1993-1997), Bakı Dövlət Universitetində hüquq üzrə (1999-2003) təhsil alıb. 1992-ci ildən “Bakılı oğlanlar” ŞHK (Şən və hazırcavablar klubu) komandasının üzvüdür. 1992-ci ildə ŞHK çempionu, 1995-ci ildə ŞHK Yay Kubokunun sahibi və 2000-ci il ŞHK “Əsrin çempionu” olub. 2001-ci ildən “Planeta Parni iz Baku” KVN Teatrının aktyorudur. Əməkdar artistdir (2015).

“Etimad telefonu” (2001, tammetrajlı bədii film) – aktyor (Tahir), “Bir anın həqiqəti” (2003, bədii serial) – aktyor (Əkbər Usubov), “Məhəllə” (2003, tammetrajlı bədii film) – aktyor (Elşən), “Məhəllə Moskvada” (2004, tammetrajlı bədii film) – aktyor (Elşən), “Tam məxfi” (2004, bədii serial) – aktyor (İsrafil), filmi səsləndirən “Məşədi İbad-94” (2005, tammetrajlı bədii film) – aktyor (qoçu), “Bir kəndin sevinci” (2012-2013, bədii serial) – ssenari müəllifi, aktyor (kəndin serjantı), “Qorxma, mən səninləyəm! 1919” (2013, tammetrajlı bədii film) – aktyor (polis), “Ögey ata” (2013, tammetrajlı bədii film) – prodüser, “Ölülər XXI əsr” (2016, tammetrajlı bədii film) – prodüser, aktyor, “Ağanatiq” (2017, tammetrajlı bədii film) – rejissor, baş prodüser, rəssam, baş rolun ifaçısıdır, filmdə bəstəsindən istifadə olunub, “Bəxt üzüyü 2” (2018, tammetrajlı bədii film) – baş prodüser, aktyor, “Məhəllə 3” (2019, tammetrajlı bədii film) – prodüser, aktyor, “Ağanatiq 2” (2020, tammetrajlı bədii film) – aktyor (Ağanatiq) rolunu ifa edib.