Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 2 nömrəli filialı “Yanardağ” adlandırılan təbii abidəsi haqqında rus dilində videoçarx hazırlayıb.

Yanardağ — Bakı şəhəri yaxınlığında Abşeron yarımadasında, Xəzər dənizinin sahilində, Məhəmmədi kəndi ərazisində, dağın ətəyində təbii qazın çıxması nəticəsində alovlanan, tarixi bilinməyən təbiət abidəsidir. Ərazidəki yanmalar, yerin dərinliklərindəki mövcud neftli-qazlı laylarda vulkanik-tektonik proseslərdən yaranan çatlar vasitəsilə səthə çıxan təbii qaz təzahürlərinin oksigenlə təmasından alovlanması nəticəsində əmələ gəlb. Bəzən Yanardağda alovun hündürlüyü 10-15 metrə çatır. Buradakı yanma prosesinin tarixi hələ qədim dövrlərə gedib çıxır. Onunla bağlı məlumatlar həm ərazidə aparılan geoloji tədqiqatlar, həm də tarixi mənbələrdə öz təsdiqini tapıb ki, bu da yanmaların tarixinin hələ eramızdan əvvəlki dövrlərdən başlandığını ehtimal etməyə əsas verir. Yanardağın əks istiqamətində yanan üç təpə olub. İndi isə həmin təpələr sönüb. Bakının rəmzi hesab olunan üç yanar alov dili və dəniz simvolu da Yanardağın mövcudluğuna istinadən qəbul edilib. Azərbaycan Respublikası Prezidentinin 2007-ci il 2 may tarixli Sərəncamı ilə Yanardağın ərazisi dövlət tarix-mədəniyyət və təbiət qoruğu elan edilib.

Qoruğun ərazisi 64,55 hektar təşkil edir. Bu əraziyə Qurd yuvası, min yaşı olan iki qəbiristanlıq və qədim məscid, Qotur su bulağı, Əli daşı, Kardaşı, Qırməki vadisi və Yanardağ aiddir.

Videoçarxa aşağıdakı keçidlərdən baxa bilərsiniz:

https://www.instagram.com/p/CEY9TDSB03-/?igshid=z9cyg5g0cg1t

https://m.facebook.com/story.php?story_fbid=2793640334255589&id=100008289486457