Ramiz Seyfulla oğlu Qurbanov 1934-cü il oktyabr ayının 30-da Salyan şəhərində anadan olmuşdur.

1956-cı ildə Azərbaycan Sənaye İns­titutunun (indiki ADNSU) Neft yataq­larının işlənilməsi və istismarı ixtisası üzrə neft-mədən fakültəsini fərqlənmə diplomu ilə bitirmişdir.

26 Bakı komissarı adına NQÇİ-də operator kimi əmək fəaliyyətinə baş­layaraq, usta köməkçisi, neft və qaz hasilatı üzrə usta, böyük mühəndis vəzifələrində işləmişdir.

1961-ci ildən başlayaraq AzNKİ-nin (indiki ADNSU) “Nəzəri mexanika” kafedrasında assistent (1961-1963), böyük müəllim (1963-1965), dosent (1965-1969), professor (1970), kafedra müdiri (1969) işləmişdir.

1. Onun əsas tədqiqat sahəsi neft-mədən avadanlığının və idarəetmə sistemlərinin Soft Kompyu­terinq bazasında intellektual robotlarla təkmilləşdirilməsinin elmi əsaslarının işlənməsidir.

1968-1989-cu illərdə AzNKİ-da Nəzəri mexanika kafedrasının müdiri, 1982-1989-cu illərdə institutun elmi işlər üzrə prorektoru, 1989-1990-cı illərdə Azərbaycan Texniki Universi­tetinin rektoru olmuşdur. 1989-cu ildə Azərbaycan EA müxbir üzvü seçilmiş­dir.

Bərk cismin mexanikası və neft ha­silatı texnologiyası sahəsində tanınmış alim R.S.Qurbanov Azərbaycan SSR Dövlət mükafatının laureatı (1986), “SSRİ fəxri neftçisi” adlarına layiq görülmüş, “SSRİ ali təhsil sahəsində işində əla müvəffəqiyyətlərə görə”, “Azərbaycan neft sənayesi əlaçısı”, “Azərbaycan qaz sənayesi əlaçısı” nişanları ilə təltif olunmuş, Amerika neftçiləri cəmiyyətinin həqiqi üzvü se­çilmişdir.