Məmməd Rahim 1907-ci il aprelin 20-də Bakıda kiçik sahibkar ailəsində doğulub.

Məmməd Rahim 1920-ci illərin ortalarında proletar poeziyasının əsasını qoymuş yeni sovet ədəbi kadrlarından biri sayılır. Təsadüfi deyil ki, onun “Gördüm” adlı ilk mətbu şeiri 1926-cı ildə “Gənc Qızıl qələmlər” adlı məşhur məcmuədə çıxıb.

Ədib yarım əsrlik yaradıcılıqyolukeçərək50-dənartıqkitabçapetdirib. “Arzular” adlı ilk kitabı 1930-cu ildə işıq üzü görüb, sonra “İkinci kitab” (1933), “Partizanın tüfəngi” (1937), “İldırımın kitabı”(1939), “Nübar” (1939), “Arzu qız” (1940) kitabları çıxıb.

İkinciDünyamüharibəsinin başlamasıbütün ədəbiyyatın və Məmməd Rahimin taleyində yeni səhifə açıb. Şair müharibədən sonra da bu mövzunu davam etdirib və ictimai sifarişə uyğun olaraq müharibədən sonrakı quruculuq işlərinə dair şeir və poemalar yazıb. 1940-cı illərdə onun “Qırmızı qəhrəman” (1946), “Xəzər sahilində”(1948), “Leninqrad göylərində” (1949), “Abşeron torpağında” (1952) kimi kitabları çıxıb və ədəbi tənqidin yüksək qiymətini alıb.

Müharibədən sonra beynəlxalq siyasi mövzular, imperializmin ifşası, azadlığa can atan müstəmləkə xalqların mübarizəsinin təsviri şairin bu dövr yaradıcılığında xeyli yer tutur. Şairin “Kərbəla”, “Ərəb qızı”, “Yeddi zənci”, “Hind qardaşıma”, ”Livan bağında”, “Bağdad gecələri”, “Pol Robsona məktub”, “Hindistana gələsən” kimi gözəl, humanist şeirləri bu sıradandır.

1950-1960-cı illərdə şair epik formalara müraciət edib, poema və mənzum dramlar yazıb. “Xəzər sularında” poeması dəniz neftçilərinə, “Neft Daşları” şəhərini quran əmək adamlarına həsr olunub. 50-ci illərdə bu, ictimai sifariş xarakteri daşıyan bir mövzu idi, ona görə də nəsrdə, publisistikada, kinoda və poeziyada geniş işıqlandırılıb. Bütün ölkə dənizdən neft çıxaran mühəndislər, fəhlələr, geoloqlarla fəxr edib. Bu dövrdə Məmməd Rahim də “Ögey ana” adlı daha bir poema yazıb.

Xalq şairi Məmməd Rahim 1977-ci il mayın 6-da Bakı şəhərində vəfat edib. Görkəmli şair Fəxri Xiyabanda dəfn edilib.