Bakı Şəhər Mədəniyyət Baş İdarəsi Xəzər rayon MKS-nin 7 nömrəli filialı oxuculara “kitab oxumağın faydaları”nı təqdim edib. Kitab ən yaxşı dostdur,kitablarda axtardığımız sualların cavabını tapırıq, kitablar təfəkkürümüzü qidalandırır, kitablar ən yaxşı intelektual istirahətdir.

Yaddaşı gücləndirir: Beləki, biz kitab oxuyarkən oradakı hadisələri, insanları, onların hisslərini, məqsədlərini, həmçinin müxtəlif hekayələri yadımızda saxlayırıq. Hər dəfə kitab oxuduqda isə yadımızda saxlayacağımız məlumatlar daha da artır və bu da yaddaşımızın güclənməsinə şərait yaradır. Danışıq qabiliyyətini inkişaf etdirir:  Kitab oxuyarkən isə müxtəlif mövzulara aid çox sayda söz öyrənir yaxud bildiyimiz sözləri təkrar edirik. Beləliklə, müxtəlif sözlərdən istifadə etməyimiz bizim fikirlərimizi, emosiyalarımızı ifadə etməkdə bizə yardımçı olur.

Yazı qabiliyyətini artırır: Bu kitabların bizim söz ehtiyatımızı artırması ilə birbaşa əlaqədardır.

Bilik əldə edirik: İnsan müxtəlif mövzulara aid kitablar oxuyarkən fərqli sahələrlə də tanış olur və bu da kitab oxuyarkən bizim faydalı məlumatlar öyrənməyimizə, dünyagörüşümüzün artmasına kömək edir.

İnsanlara sakitlik və hüzur verir: Mənəvi, psixoloji, dini kitabların oxunması insana daxili rahatlıq verir. Həmçinin motivasiya və şəxsi inkişafla bağlı kitablar insanların psixoloji problemlərinin öhdəsindən gəlməsinə kömək edir.

Stressi azaldır: Bildiyimiz kimi hər birimiz gündəlik həyatımızda müxtəlif problemlərlə üzləşirik, lakin özümüzü möhtəşəm bir hekayənin içində tapdıqda müəyyən qədər rahatlayırıq. Maraqlı yazılmış bir roman bizi real həyatdan daha uzaqlara aparır.Bu isə bizim problemlərimizi unutmağımıza və stressimizi azaltmağımıza kömək edir.

Kitab oxumaq boş vaxtı dəyərləndirməyin ən yaxşı yoludur: Belə ki, insanlar onlara maraqlı olan hər mövzuda kitablar əldə edərək oxuya bilərlər. Buraya klassik ədəbiyyatdan tutmuş psixoloji romanlar, şəxsi inkişaf kitabları da daxildir. Bu vaxt ərzində insanlar həm boş vaxtlarını dəyərləndirir, həm də gərəkli bilgilər əldə edirlər. 

Kitab oxumağın faydalılığı haqqında deyilmiş ən maraqlı kəlamları təqdim edirik: 

1. Mükəmməl yazıçıların əsərlərini oxuya-oxuya mükəmməl nitqə sahib olmaq olar.(F.Volter)
2. Kitablar-zaman dalğalarında üzən düşüncə gəmiləridir, hansı ki, dəyərləri nəsildən-nəslə ötürür.(Frensis Bekon)
3. Mədəniyyət -oxunmuş kitabların kəmiyyəti deyil, mənasını, ideyasını anladığınız kitabların kəmiyyətidir.(Fazil İskəndər)
4. Oxumağın təfəkkürə faydası, fiziki hərəkətlərin bədənə olan faydasına bərabərdir.(Cozef Addison)
5. Çox oxuduqca az yamsılayırsan, özün olursan.(Jül Renar)