Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində Ümummilli lider Heydər Əliyevin anadan olmasının 102-ci ildönümü münasibətilə Əməkdar jurnalist, professor  Etibar Babayevlə görüş və “Xatirələr işığında Heydər Əliyev” adlı kitabının təqdimatı keçirilib.

Tədbirdə rəsmilər, elm xadimləri, ziyalılar, mədəniyyət işçiləri və digər qonaqlar iştirak ediblər.

İlk öncə qonaqlar Mərkəzdə Ulu Öndərin büstü önünə gül dəstələri qoyublar.

Tədbir Azərbaycan Respublikasının Dövlət Himninin səsləndirilməsi ilə başlayıb. Ulu Öndər Heydər Əliyevin əziz xatirəsi bir dəqiqəlik sükutla yad edilib.

Tədbirdə  Heydər Əliyevin dövlət quruculuğu sahəsində gördüyü işlərdən bəhs edilib,  müasir Azərbaycan reallığının məhz Heydər Əliyevin adı, siyasəti və fəaliyyəti ilə bağlı olduğu vurğulanıb.

Daha sonra Ulu Öndərin siyasi məktəbinin layiqli davamçısı Etibar Babayev və onun müəllifi olduğu “Xatirələr işığında Heydər Əliyev” kitabı haqqında ətraflı məlumat verilib.

Tədbir iştirakçılarına Ulu Öndər Heydər Əliyevə həsr olunmuş video sujet təqdim olunub. Etibar Babayev sujet haqqında qısa məlumat verərək Heydər Əliyev siyasi məktəbininin öyrənilməsinin ölkəmiz üçün ən başlıca amil olduğunu vurğulayıb.

Tədbirdə çıxış edənlər Etibar Babayev haqqında ürək sözlərini bölüşüblər və Etibar Babayevin Azərbaycan və Türkiyə arasında ilk mədəniyyət körpüsünü yaratdığını bildiriblər.

Sonda qonaqlar Mərkəzin foyesində Heydər Əliyevin Yasamal rayonuna səfərlərini əks etdirən sərgi ilə tanış olublar.