Qədim Çin filosofu Konfutsi tarixin ən təsirli kitablarından biri olan “Seçmələr”in müəllifidir. Adını daşıyan bir əxlaq sistemi qurub. Asiya mədəniyyətinə və cəmiyyətinə böyük təsirinə baxmayaraq, həyatı haqqında çox az məlumat var. Əfsanəyə görə, Konfutsi dünyaya çağdaş Şərqi Çində kasıb, lakin hörmətli bir ailənin övladı olaraq gəlib. O dövrdə Lu Krallığı hakim olub. Bir müddət mühasib, çoban və müəllim kimi çalışdıqdan sonra, yerli hökmdarın yanında bir məmur olub. O müvəffəqiyyətli bir məsləhətçi olsa da, bu işi otuz il sonra siyasi səbəblərdən buraxıb.Konfutsi, əxlaq, vəzifə hissi, dərin düşünmə və təhsil kimi mövzulara əhəmiyyət verdiyini vurğulayıb. Konfutsiyə görə, idarənin müvəffəqiyyəti onun başında duran insandan və bir cəmiyyətin sağlamlığı cəmiyyəti təşkil edən insanlardan asılıdır. İşini tərk etdikdən sonra on il ərzində mənəvi və fəlsəfi düşüncələrini yaymaq üçün Çini dolaşıb.

“Seçmələr” ölümdən sonra tərəfdarları tərəfindən toplanıb.Kitabda heç bir povest yoxdur, ancaq yazarının mənəvi anlayışını göstərməyi hədəfləyən qısa hekayələrdən və aforizmlərdən ibarətdir. Kitabın bir yerində siyasətlə bağlı bunu deyir: “Ustad dedi ki, fəziləti idarə edən şəxs qütb ulduzu kimidir. Həmişə yerini qoruyar və bütün digər ulduzlar ona dönərlər. Bu analoji, Konfutsi düşüncəsində fəzilətli idarəçinin əhəmiyyətini vurğulayır. Konfutsiyə görə, bir idarəçi bütün cəmiyyət üçün mənəvi nümunədir.

İndi isə Konfutsinin mənalı aforizmlərini təqdim edirik:

İnsanları nə üçün öldürürsünüz, bir az gözləyin onsuz da öləcəklər.

 Bildiyini bilənin arxasından gedin, bildiyini bilməyəni xəbərdar edin, bilmədiyini bilənə öyrədin, bilmədiyini bilməyəndən qaçın.

 İnsanların ümidləriylə oynama, bəlkə də tək sahib olduqları şey odur.

 Bir insan səhər doğru yoldadırsa, axşam saatlarında da elə qalacaq və bundan peşman olmayacaq.

 Kiçik üstünlüklərin arxasından qaçarkən böyük uğurları qaçıra bilərsiniz.

 Qaranlığı söyüncə dur bir şam yandır.

 Bilgi insanı şübhədən, yaxşılıq acı çəkməkdən, qərarlı olmaq qorxudan qurtarar.

 Ağıllı insan heç kimlə yarışmaz, beləcə heç kim onunla yarışa bilməz.

 Bir milləti kölə etmək istəsəniz, onun musiqisini məhv edin.

 Almaz yonulmazsa, insan yanılmazsa mükəmməlləşməz.

 Bir adama yaxşılıq etmək istəyirsənsə ona balıq vermə balıq tutmağı öyrət.

 Nə axtardığını bilməyən tapdığını anlaya bilməz.

 O yerdə ki, hökmdar hökmdardır, ata atadır, oğul oğuldur, orda qayda qanun var, əmin-amanlıq var.

 Oxudum, unutdum, gördüm, xatırladım, etdim, öyrəndim.

 Öyrətmək iki dəfə öyrənmək deməkdir.

 Vəfa və səmimiyyət ilk prinsipləriniz olmalıdır.

 Ya bir yol tap, ya bir yol aç, ya da yoldan çəkil.

 Bir yerdə kiçik insanların böyük kölgələri varsa, deməli o yerdə günəş batır.

 Dərin olan quyu deyil, qısa olan ipdir.

 Düşünmədən öyrənmək faydasız, öyrənmədən düşünmək təhlükəlidir.

 Ehtiyatlı adamlar az hallarda səhv edir.

 Ədalət qütb ulduzu kimi yerində dayanar və geri qalan hər şey onun ətrafında dönər.

 Əgər qüsurların varsa, onlardan xilas olmağa çalışmalısan və bundan qorxmamalısan.

 Çox çalış, doğru şəkildə, diqqətli düşün, düşündüklərini nəzərdən keçir, ciddi və səmimi şəkildə tətbiq et.

 Heç kim uğur nərdivanını əlləri cibində çıxmayıb.

 Hər şey bir gözəlliyə malikdir, lakin bunu hər kəs görməz.

 İnsanlar məni tanımır deyə üzülməyəcəm; insanları tanımıram deyə üzüləcəm.

 İnsanlar sahib olduqlarını kiçik hesab edir, sahib ola bilmədiklərini isə gözündə böyüdür.

 Ac mədənin cəzasını yorğun ayaqlar çəkər.

Ağılla hərəkət etmək üçün insanın üç yolu var: birinci ən nəcib yol- düşüncə, ikinci ən asan yol-təqlid, üçüncü ən acı yol-təcrübədir.