Azərbaycan professional vokal sənətinin banisi, SSRİ Xalq artisti, Dövlət mükafatı laureatı Bülbülün (1897–1961) miras qoyduğu sənət ənənələrini daşıyan “Bülbül vokal məktəbi” yeni tədris ili üçün tələbə qəbulu elan edib.

AZƏRTAC xəbər verir ki, iyulun 20-dək müsabiqədə iştirak etmək istəyən 10-35 yaş aralığında iştirakçıların CV-ləri qəbul olunacaq, ifaları dinləniləcək. Birinci mərhələni keçən iştirakçıların avqustun 20-25-də dinlənilməsi aparılacaq.

Qeyd edək ki, Əməkdar artist, Bülbül sənət məktəbinin davamçısı Ramil Qasımovun yaratdığı, Azərbaycanda ilk dəfə ödənişsiz vokal dərslərinin keçirildiyi məktəb artıq bir ildir fəaliyyət göstərir.