
Amin Novruzov 7 oktyabr 1947-ci ildə Bakının Güzdək kəndində anadan olub. Ümumittifaq Dövlət Kinematoqrafiya İnstitutunun kinooperatorluq fakültəsində V.Yusovun emalatxanasında təhsil alıb. 1983-cü ildən “Azərbaycanfilm” kinostudiyasında quruluşçu operator kimi fəaliyyət göstərir. 1998-ci ildən isə Azərbaycan Dövlət Mədəniyyət və İncəsənət Universitetində sənətin sirlərini gənclərimizə öyrədir. Əməkdar incəsənət xadimidir.
O, operator olmaq arzusu ilə 21 yaşında “Azərbaycanfilm” kinostudiyasına gəlir. Milli kinomuzun görkəmli operatorları və rejissorlarının yanında böyük kino məktəbi keçir. İlk dəfə operator assistenti kimi “Şərikli çörək” filmində adını titrlərdə görəndə sevincdən göz yaşlarını gizlədə bilmir. Son dərəcə sakit, nizam-intizamlı olması, işə ciddi münasibəti görkəmli sənətkarların nəzərindən yayınmır.
Tezliklə quruluşçu operatorlar Arif Nərimanbəyov və Zaur Məhərrəmovdan yeni dəvətlər alır. Şamil Mahmudbəyov, Tofiq Tağızadə, Rasim Ocaqov kimi rejissorların filmlərində operator assistenti kimi çalışır. 1977-ci ildə isə quruluşçu operator Rafiq Qəmbərov “Vulkana doğru” bədii televiziya filminə onu ikinci operator kimi dəvət edir.
Amin Novruzov ümumi nəzəri hazırlığı, peşə təcrübəsi ilə sənət müəllimi, dünya şöhrətli sənətkar Vladimir İvanoviç Yusovun diqqətini çəkir. 1983-cü ildə təhsilini başa vurandan sonra “Azərbaycanfilm” kinostudiyasında quruluşçu operator kimi çalışır. O, kameradan qəlbinin gözü ilə baxmağı bacarır... Çəkdiyi epizodlar qəlbinin işığı ilə nura boyanır. Bu işıq selində təkrarsız rənglər dünyası, ifadə çalarları yaradır. Amin Novruzovun ekran dili olduqca maraqlı və obrazlıdır. Mənalı planlar və rakurslar çəkilişlərində təsadüfi xarakter daşımır. O, standart formalardan qaçır, hər epizodun yeni, orijinal quruluş həlini axtarır.
Amin Novruzovun quruluşçu operatoru olduğu “Musiqili xaş”, “Cin mikrorayonda”, “Süd dişinin ağrısı”, “Özgə vaxt”, “Yalan” kimi filmlər sənətsevərlərə yaxşı tanışdır. 1997-ci ildə rejissor və operator kimi quruluş verdiyi “Ləqəbi “İkadır” filmi onun rejissor kimi də sənət fəaliyyətini səciyyələndirir.
“Mozalan” satirik kinojurnalında Amin Novruzovla bir sıra bədii və sənədli süjetlər çəkən Xalq artisti Vaqif Mustafayev 1984-cü ildə quruluş verdiyi “Musiqili xaş” qısametrajlı bədii filmində də uğurlu yaradıcılıq əlaqələrini davam etdirir. O zaman Moskvada ikiillik Ali rejissorluq və ssenaristlər kursunda təhsil alan Vaqif Mustafayevin bu kurs işi ilin sənət hadisələri sırasında özünəməxsus yer tutur. Komediya janrında çəkilən filmdə Hacı İsmayılov, Səməndər Rzayev, Yaşar Nuri, Larisa Xalafova kimi aktyorlar maraqlı ekran obrazları yaradırlar. Kursun rəhbəri SSRİ Xalq artisti Eldar Ryazanov “Musiqili xaş”da uğurlu rejissor və aktyor işi ilə bərabər peşəkar operator çəkilişlərini də xüsusi vurğulayır. Filmdə Amin Novruzov iri planlara üstünlük verir. Çəkilişlərin bədii estetikası, yüksək ekran mədəniyyəti quruluşçu operatorun cilalanmış fərdi üslubunu və peşəkarlığını aydın göstərir.
O, 1985-ci ildə Xalq artisti, kinorejissor Oqtay Mirqasımovun quruluş verdiyi ”Cin mikrorayonda” filminin çəkilişlərinə başlayır. Milli kinomuzda mövzu və janr baxımından tamamilə yeni olan bu filmə Amin Novruzov sənətkar məsuliyyətilə yanaşır. Filmin hazırlıq mərhələsində yaxından iştirak edir.
1991-ci ildə isə Amin Novruzov Xalq artisti Ramiz Əzizbəylinin quruluş verdiyi “Bəxt üzüyü” filmini lentə alır. Afaq Bəşirqızı, Valeh Kərimov, Gülşad Baxşıyeva, Firəngiz Rəhimbəyli, Cahangir Novruzovun, Ayşad Məmmədovun obrazları tamaşaçı sevgisi qazanır. Quruluşçu operatorun kompozisiya və bədii təsvir xüsusiyyətləri onun yaradıcılıq üslubuna yeni inkişaf yönümündən işıq salır.
“Ləqəbi “İkadır” filminin rejissoru Teymur Bəkirzadə 1995-ci ildə qəflətən dünyasını dəyişir. Filmin quruluşçu operatoru olan Amin Novruzov özünü rejissor kimi sınayır. Rejissor debütü uğurlu olur. 1997-ci ildə Minskdə “Listopad” beynəlxalq kinofestivalında iştirak edən bu film MDB ölkələrinin İcraiyyə Komitəsinin Prizini qazanır. Beynəlxalq kinofestivalda Amin Novruzov rejissor və operator kimi yüksək professionallığına görə Diplomla təltif olunur. 2002-ci ilin avqust ayında isə “Ləqəbi “İkadır” filmi Bakıda keçirilən “Bizim naməlum kino” festivalının proqramına daxil edilir. Amin Novruzov uğurlu işinə görə mükafata layiq görülür.
Ötən çağların filmlərindən söz düşəndə Amin müəllim deyir ki, o vaxt “Azərbaycanfilm”in çox gözəl filmləri, rejissorları var idi. Tofiq Tağızadənin, Həsən Seyidbəylinin çəkdikləri filmlər, demək olar ki, dünya səviyyəli filmlər idi. Gənc yaşlarımızda o filmlərə baxaraq ilham alırdıq. Özümüzü həmin sənətkarlara oxşatmağa çalışırdıq. “Uzaq sahillərdə”, “Sən niyə susursan”, “Bir cənub şəhərində” kimi filmlər çox sevdiyim filmlər sırasındadır. “Bir cənub şəhərində” filminə ilk dəfə baxanda operatorun çəkiliş üslubu mənə çox güclü təsir bağışladı. Bu filmdə Ocaqov geniş bucaqlı obyektivdən istifadə edərək sanki tamaşaçını ekrana daha da yaxınlaşdırırdı. Bu üsul aktyor oyununu incəliklərinə qədər müşahidə etməyə, onların daxili aləmini duymağa zəmin yaradırdı. İşıq və başqa texniki vasitələrlə ekran obrazlarının daha da qabardılması Rasim Ocaqov tərəfindən çox gözəl həyata keçirilirdi. Bunlar bizim üçün əsl məktəb idi.
- 12:04 Xalq artisti Arif Məlikovun 90 illik yubileyi ilə əlaqədar mühazirə-konsert keçirilib
- 11:55 “İçərişəhər” Qoruğu İdarəsi ilə Özbəkistanın “İçan-Qala” Dövlət Muzey Qoruğu arasında əməkdaşlıq protokolu imzalanıb
- 10:28 Bu gün Xalq artisti Həsənağa Salayevin doğum günüdür
- 10:24 Kitabxanada “Nağıllar aləminə səyahət” layihəsi davam edir
- 09:34 Qazaxıstanlı nazir: Azərbaycanla mədəni yaxınlıq quruculuq fəaliyyətini gücləndirməyə imkan verir
- 09:29 Azərbaycan ədəbiyyatının görkəmli nümayəndəsi Hüseyn Cavidin anım günüdür
- 09:26 Heydər Əliyev Mərkəzində Qazaxıstan rəssamlarının əsərlərindən ibarət sərgi
- 09:13 Bakı Kitab Mərkəzində litvalı hərbi jurnalist Riçardas Lapaitislə görüş
- 17:20 “Gəl, Yarat!” Yaradıcılıq üzrə marafonun qalibləri müəyyən olunub
- 15:34 Azərbaycan Latviyada keçirilən xeyriyyə tədbirində təmsil olunub
- 14:21 Mədəniyyət naziri qazaxıstanlı həmkarı ilə görüşüb
- 13:03 Beynəlxalq Əlillər Gününə həsr olunmuş tədbir keçirilib
- 11:25 Türk Dünyasının Yumor Festivalı keçirilib
- 10:04 Bakıda “Disney” studiyasının 100 illiyi qeyd olunub
- 09:54 Muzey Mərkəzdə “Rənglərdə yaşayan ömür” adlı sərgi açılıb
- 09:46 Filarmoniyada Mariya Kallasın 100 illiyinə həsr olunmuş konsert keçirilib
- 09:36 Aşqabadda keçirilən “Qış Milli Mətbəx Xeyriyyə Festival”ında Azərbaycan da təmsil olunub
- 09:30 Musiqili Teatrda Qazaxıstan Mədəniyyət Günləri çərçivəsində Qaragöz tamaşası nümayiş olunub
- 17:02 Mədəniyyət və Yaradıcı Sənayelər Forumunun icmalı
- 16:42 Vyanada Aşıq Şəmşirin anadan olmasının 130 illiyi münasibətilə tədbir keçirilib
- 16:11 S.Ələsgərov adına 1 nömrəli Uşaq İncəsənət Məktəbinin növbəti uğuru
- 15:19 Xalq şairi Məmməd Arazın anadan olmasının 90 illiyi qeyd edilib
- 15:15 "F.Əmirovun əsərlərini ifa və təhlil edirik" adlı VIII Elmi-İfaçılıq konfransı keçirilib
- 14:45 Xalq rəssamı Fərhad Xəlilovun yeni sərgisi - “Yerlə göy arasında”
- 14:36 Milli Kitabxanada “Türkdilli ölkələrin gənc yazarları” adlı virtual sərgi hazırlanıb
- 14:19 Xalq artisti Mirzə Babayevin 110 illiyinə həsr edilmiş konsert keçirilib
- 14:16 QİÇS-lə Mübarizə Günü ilə bağlı biblioqrafik icmal istifadəçilərə təqdim edilib
- 14:12 “İçərişəhərin həyatı” adlı fotosərgi açılıb
- 11:02 Azərbaycanla Qazaxıstan arasında mədəni əməkdaşlıq müzakirə olunub
- 09:34 Azərbaycanın Xalq şairi, unudulmaz şəxsiyyət Məmməd Arazın anım günüdür
- 09:16 "Türk dünyasının yumor sahəsi üzrə əməkdaşlıq perspektivləri” – “Yaradıcı həftə” çərçivəsində dəyirmi masa
- 17:57 Gənc istedadların “Qızıl kitab”ı və xüsusi təqaüdü haqqında ƏSASNAMƏ
- 17:41 “Gənc istedadların “Qızıl kitab”ı və xüsusi təqaüdü haqqında Əsasnamə”nin təsdiq edilməsi barədə Azərbaycan Respublikası Prezidentinin Fərmanı
- 17:22 “Musiqi Sənayesi Platforması”nda növbəti panel milli musiqi məhsulunun rəqabətliliyinə həsr olunub
- 17:18 “Yaradıcı həftə” çərçivəsində Azərbaycan musiqi sənayesinə həsr olunmuş tədbir keçirilib
- 16:46 “İpək incəsənəti” layihəsinin təqdimatı olub
- 16:14 Baş İdarənin Heydər Əliyev Mərkəzlərinə ekskursiyalar davam etdirilir
- 16:06 Əməkdar artisti Əyyub Quliyev beynəlxalq müsabiqənin münsiflər heyətində təmsil olunub
- 16:00 Milli Kitabxanada “Şərq qadını jurnalı – 100” adlı sərgi açılıb
- 15:03 Mədəniyyət və Yaradıcı Sənayelər Forumu başa çatıb
- 14:55 Bakı Şəhər Xalq Teatrları Festivalının mükafatlandırılma mərasimi keçirilib
- 11:32 Ümummilli lider Heydər Əliyevin anadan olmasının 100 illiyinə həsr olunmuş tədbir keçirilib
- 10:15 “Türk dünyası animasiya şəbəkəsinin qurulması” mövzusunda dəyirmi masa keçirilib
- 10:13 Apellyasiya Komissiyasının iclası yekunlaşdı
- 09:48 “A-hub Akselerasiya Proqramı”nın milli final mərhələsi keçirilib
- 09:42 Pyes müsabiqəsi qaliblərinə mükafatlar təqdim olundu
- 09:31 Forumda dizayn sənayesinin inkişaf məsələləri də müzakirə olunub
- 09:26 “Sən hələ uşaqsan” bədii filminin təqdimatı olub
- 09:20 Azərbaycan filmi “Moskva premyerası”nda mükafat alıb
- 16:42 “Tale şairi: Məmməd İsmayıl” xatirə-romanının təqdimatı keçiriləcək
- 16:36 Mədəniyyət və Yaradıcı Sənayelər Forumu panel sessiyalarla işini davam etdirir
- 16:30 Azərbaycan Respublikası Kino Agentliyinin elan etdiyi film layihələri müsabiqəsinə yekun vurulub
- 15:02 Azərbaycanın ilk süni intellekt sənətçisi – “Şuşa xanım”
- 14:33 Bakıdakı Rus evində Fərəc Qarayevin yaradıcılıq axşamı keçirilib
- 12:42 Gənclər Kitabxanasında Xalq rəssamı Tahir Salahovun 95 illiyi ilə əlaqədar virtual sərgi hazırlanıb
- 12:35 Film layihələri müsabiqəsi ilə bağlı Seçim komissiyası və Ekspert şurasının yekun iclası keçirilib
- 12:32 “Yaradıcı oxucularımız” layihəsi uğurla davam edir
- 12:21 Mədəniyyət sahəsində innovasiyalar: qabaqcıl texnologiyalar, süni zəka, oyun texnologiyaları
- 12:04 Azərbaycan Mədəniyyət Mərkəzi dilimizin tədrisi ilə bağlı Özbəkistanın Gənclərlə İşlər Agentliyi ilə memorandum imzalayıb
- 11:57 Şuşa Teatrının dekabr repertuarı açıqlanıb