Elnur Bəhramxan oğlu Hüseynov 2 avqust 1978-ci ildə Neftçalada doğulub. 2002-ci ildə Azərbaycan Dövlət Mədəniyyət və İncəsənət Universitetinin magistraturasını bitirib. O, 17 dekabr 1998-ci ildən Gənc Tamaşaçılar Teatrının aktyorudur.

Teatr səhnəsində əsas rolları: Aqil - (“Mənim ağ göyərçinim” T.Vəliyeva), Azər - (“Mahmud və Məryəm” Elçin), Uruz - (“Dədəm Qorqud” Ə.Dəmirçizadə), Həbib - (“Büllur sarayda” İ.Əfəndiyev), Musa - (“Ana laylası” İ.Coşğun), Başkəsən Əhməd - (“Əlibaba və 40 quldur”, Ərəb x. nağılı), Qaraçı - (“Qaraca qız” S.S.Axundov, A.Şaiq), Çəpiş - (“Dovşanın ad günü” X.Əlibəyli), Alverçi - (“Ələddinin sehrli çırağı” N.Kazımov), Saqqızsatan - (“Olmuş əhvalat” A.Babayev), Əli - (“Çimnaz xanım yuxudadır” S.Rüstəm), Seymur, Xan - (“Güc birlikdədir” R.Tohidoğlu), Robert - (“Zorro” İspan xalq rəvayətlərinin motivləri əsasında), İkinci musiqiçi - (“Nənənin kələyi” Ə.Orucoğlu), Qaskon, rikard (“Məzəli hadisə” K.Qoldoni), Mustafa (“Mustafa” O.Asena), Çoban -(“Tıq-tıq xanım” A.Şaiq), Anton - (“Şeyx Sənan”, H.Cavid), Vəliqulu - (“Məkkəyə gedən yol”, C.Məmmədquluzadə), Şelkunçik - (“Şelkunçik”, E.T.A.Hofman), Noe (“Oliver Tvistin macəraları” Ç.Dikkens), Tofiq - (“Mən səni sevirəm –MSS” Ə.Əmirli), Benvolio - (“Romeo və Cülyetta” U.Şekspir), Şahbaz bəy - (“Müsyö Jordan və dərviş Məstəli şah” M.F.Axundzadə), Tülkü - (“Şahzadə Xəzərin nağılı” K.Ağabalayev, N.Kazımov), Ağpapaq, gülpapaq, çalpapaq, qarapapaq - (“Dörd əkizin nağılı” P.Pançev), Cüzeppe - (“İtalyansayağı xoşbəxtlik” D.Fo, P.Filippo), Hestins - lord - (“III Riçard”, U.Şekspir), Çəpiş - (“Dovşanın ad günü” X.Əliyəbli), Alabaş - (“Möcüzəli turp” Rus Xalq nağılı), Lici - Qarya - (“Qohumlar” V.Şuqrayeva, Ə.Əmirli), Zeyd - (“Leyli və Məcnun” M.Füzuli), Fariz - (“Yarımçıq qalmış” Y.Abramov, L.Bəyim), Məlikməmməd - (“Məlikməmməd” Azərbaycan Xalq nağılı), Admiral - (“Qulliver cırtdanlar ölkəsində” Conartan Svift), Bədheybət - (“Hörümçək adam” Sten Li), Rixard Fos - (“Dəlixanada qətl”, F.Dürremat), Şirin ata - (“Şirinlər”, P.Culliford), Karrasko - ( “Don Kixot”, M.Servantes), Baba - (“Qızıl balıq”, A.S.Puşkin).

Aktyor həmçinin “Bahar gələndə” (Polşa), “Jurnalist” ( Rusiya), “Xoca” (Ans tv) kimi bədii filmlərdə,  "Biz sizə müharibə elan edirik" (Rusiyanın NTV telekanalının sifarişi ilə 4 seriyalı), “Qaynana” (Xəzər tv), “Həyat sən nə qəribəsən” (Xəzər tv) teleseriallarında çəkilib.

Tanınmış aktyor Elnur Hüseynov 10 dekabr 2018-ci il tarixində Azərbaycan Respublikasının "Əməkdar artist" fəxri adı ilə təltif olunub.