Azərbaycanın bütövlüyü, toxunulmazlığı və azadlığı uğrunda canından keçən şəhidlərimizin ömür yolu bütün gənclərə örnəkdir. Onları tanımaq, xatirələrini əbədi tutmaq isə, hər bir azərbaycanlının vətəndaşlıq borcudur.

Bakı Şəhər Mədəniyyət Baş İdarəsi Xətai rayon Mərkəzləşdirilmiş Kitabxana Sisteminin Mərkəzi Kitabxanası İkinci Qarabağ müharibəsində şəhidlik zirvəsinə ucalan Xüsusi Təyinatlı Qüvvələrin Leytenantı Elnur Vəliyev haqqında videoçarx hazırlayıb.

Elnur Vəliyev 14 aprel 1997-ci ildə Ucar rayonunda anadan olub. O, ailəsinin sonbeşiyi, 3 bacının bir qardaşı idi. Orta məktəbi burada bitirdikdən sonra, 2014-cü ildə Heydər Əliyev adına Ali Hərbi Məktəbə qəbul olub. 2018-ci ildə universiteti bitirdikdən sonra isə, Xüsusi Təyinatlı Qüvvələrin (XTQ) təlimlərinə qatılıb. Beləcə Elnurun hərbi həyatı başlayır, uşaqlıq arzusu çin olur.

Xüsusi teyinatlı qüvvələrin kursunu müvəffəqiyyətlə bitirmiş Elnur işə daxil olan kimi ona komandir rütbəsi verilib. İki il idir ki, Cəlilabad rayonun N saylı hərbi hissəsində çalışıb.

İkinci Qarabağ müharibəsində iştirak etmiş XTQ letinant komandir Elnur Vəliyev rayonlarımızın alınmasında iştirak edərək 185 erməni məhv edib.

Şəhid Elnur Vəliyevin xsatirəsinə həsr olunmuş videoçarxı aşağıdakı keçiddən izləyə bilərsiniz:

https://www.instagram.com/tv/CI2ZUgzhX0H/?igshid=wthzf9lm238