Məmməd Arif Dadaşzadə Azərbaycan Dövlət Universitetinin “Şərq” fakültəsində təhsil alıb. İlk publisist məqaləsi “Xızılı Məhəmməd Bağır” imzası ilə, bir neçə felyetonu “Məğmun xızılı” imzası ilə “Molla Nəsrəddin” məcmuəsində dərc edilib. M.Arif "Azərbaycan ədəbiyyatı tarixi", “Cəfər Cabbarlının yaradıcılıq yolu” və “Səməd Vurğunun dramaturgiyası” kimi fundamental monoqrafiyaların müəllifidir. O, iki dəfə “Qırmızı əmək bayrağı” ordeni, “Qabaqcıl maarif xadimi” nişanı və medalları ilə təltif edilib, Dövlət mükafatı laureatı olub. 1939-1950-ci ci illər M.Arif Ədəbiyyat və Dil İnstitutunun direktoru vəzifəsində çalışıb. Azərbaycan ədəbi tənqid və ədəbiyyatşünaslığının təməlini qoyanlardan və bu sahələrin inkişafında xidmətləri olan alimlərdən biridir. 1960-cı ildə Azərbaycan Respublikası Elmlər Akademiyasının vitse-prezidenti təyin edilib və ömrünün sonunadək bu vəzifədə çalışıb. Məmməd Arif 1963–1967-ci illərdə Azərbaycan SSR Ali Sovetinin deputatı və sədri olub.

Əməkdar elm xadimi Məmməd Arif 1975-ci il vəfat edib.

Bakı və Xızıda küçələrdən biri, Azərbaycan Yazıçılar Birliyinin kitabxanası, Şurabad qəsəbəsində tam orta məktəb akademik Məmməd Arifin adını daşıyır.