Vahid Orucoğlu 1986-cı il sentyabr ayının 2-də Bakı şəhərində anadan olub. 2008-ci ildə Azərbaycan Dövlət Mədəniyyət və İncəsənət Universitetinin «Dram və kino aktyorluğu» fakültəsini bitirib.

2007-ci ildən Azərbaycan Dövlət Gənclər teatrında aktyor vəzifəsində çalışıb. 2009-cu il may ayının 1-dən Azərbaycan Dövlət Gənc Tamaşaçılar teatrının aktyorudur.

Vahid Orucoğlu teatr səhnəsində Mim - («İmperator», Elçin), Savalan - («Məhv olmuş gündəliklər», İ.Əfəndiyev), Vasif - («İblis»,H.Cavid), Tülkü - («Tülkü Həccə gedir», A.Şaiq), Şir - («Cəsur qurbağa balası», L.Ustinov), Gürcü - («Şeyx Sənan» H.Cavid), Həbəş - («Ezop» G.Fiqeyredo), Banda üzvü - («Oliver Tvistin macəraları» Ç.Dikkens), Şagird - («Mənim ağ öyərçinim» T.Vəliyeva), Müəllim - («Əcəl atı» V.Əlixanlı), Döyüşçü - («Romeo və Cülyetta» U.Şekspir), Ağagül - («Buzovna kəndinin əhvalatları» Elçin), Qara div - («Şahzadə Xəzərin nağılı» K.Ağabalayev, N.Kazımov), Döyüşçü - («Əlincə qalası» Dilsuz), Qaraçı - («Qaraca qız» S.S.Axundov, A.Şaiq), Nağılçı - («Şəngülüm. Şüngülüm, Məngülüm» M.Müşfiq),  II Arlekin - («Buratinonun macəraları» A.Tolstoy), Rulle - («Balaca və damda yaşayan Karlson» A.Lindqren), Uşaq və kukla - («Danışan gəlincik» A.Şaiq), Dəvəçi - (“Şeyx Sənan”, H.Cavid), Aşbaz - (“Yatmış gözəl”, B.Marvin),  I qatil - (“III Riçard”, U.Şekspir), Alabaş - (“Dəcəl keçi” P.Nurəliyeva),  Şirməmməd - (“Məlikməmməd və sehrli almalar” Azərbaycan Xalq nağılı),Bosxomci - (“Qohumlar” V.Şuqrayeva, Ə.Əmirli),  1-ci dost, 1-ci mələk, 1-ci oğlan - (“Xortdanın cəhənnəm məktubları” Ə.Haqverdiyev), Karl - (“Uzuncorab Pippi” A.Lindqren), Mixaylo - (“Ünvansız qatar” Ə.Əmirli), Alik - (“Yarımçıq qalmış” Y.Abramov, L.Bəyim),Betmən – (“Hörümçək adam”, Sten Li), Kay – (“Qar kraliçası”, Hans Xristian Andersen) kimi bir-birindən maraqlı obrazları canlandırıb.