Böyük rus yazıçısı Lev Nikolayeviç Tolstoy 9 sentyabr 1828-ci ildə anadan olub. Rus yazıçı, publisist və filosof L.Tolstoy dünya ədəbiyyatının ən böyük yazıçılarından biridir. O, özünün əxlaqi-mənəvi əsərləri ilə "Allahın səltənəti qəlbimizdədir" (rus. "Царство Божие внутри нас") XX əsrin Mahatma Qandi və Martin Lüter Kinq kimi şəxsiyyətlərinə ciddi təsir göstərib. L.Tolstoyun yazdığı "Hərb və Sülh", "Anna Karenina" "İnsanı yaşadan nədir" əsərləri realist roman janrının ən yaxşı nümunələri hesab olunub.

Ömrünün altmış ilini bədii yaradıcılığa həsr edib və dünya ədəbiyyatında ən yüksək yerlərdən birini tutan L.Tolstoy 1910-cu il noyabr ayının 22-də Yasnaya Polyanada dəfn olunub.

Lev Tolstoy tarixdə 100 ən çox öyrənilmiş şəxsiyyətlər siyahısına daxil edilib.

Lev Tolstoyun müdrik kəlamlarını sizə təqdim edirik:

Şair həyatda yaxşı nə varsa götürür və öz əsərinə daxil edir. Ona görə onun əsəri gözəl, həyatı isə çirkin olur.

Həyatdan qəfil hədiyyələr gözləməkdən əl çək. Həyatını özün qur.

Biliklərin çoxluğu yox, keyfiyyəti əhəmiyyətlidir. Çox şey bilən, ən lazımlı şeyləri bilməyə bilər.

Böyük izlər qoyan böyük fikirlər həmişə sadədir.

Evliliyə muqəddəslik verən, eşqdir.

Hərkəs insanlığın pisə getdiyini qəbul edər də; Heç kim özünün pisə getdiyini qəbul etməz...

Həyatın ən gözəl cəhəti insanın özünü tanımasıdır. Ancaq bunun nəticəsində bədbəxt olmaq da mümkündür.

İnsanlar çox dəyişdi, diqqət yetirmək lazımdır. Biriylə əl sıxışdıqdan sonra, beşi də yerindəmi deyə barmaqlarını saymaq məcburiyyətindəsən.

Biz həm qurdların doymasını, həm də qoyunların sağ qalmasını istəyirik.

Hərkəs insanlığı dəyişdirməyi düşünür, amma heç kim əvvəl özünü dəyişdirməyi düşünmür.

Nə qədər baş varsa, o qədər düşüncə tərzi olduğuna görə, nə qədər ürək varsa, o qədər də sevmək tərzi var...

Şagirdlər müəllimlərin səhvləri kimi heç bir şeyi möhkəm yadda saxlamırlar.

"Sən yalan içində yaşayırsan, mən - həqiqətdə" iddiası, bir insanın o birinə söyləyə biləcəyi ən mərhəmətsiz sözdür.

Bilməkdən qorxma, səhv bilməkdən qorx! Çünki bütün fəlakətlər ondan baş verir.

Mən Allaha inanıram. Onu hər şeyin başlanğıcı, ruh və sevgi kimi qavrayıram. Mən ondayam, o da məndə. Hamının Tanrı kimi qəbul elədiyi İsaya dua etməsini ən böyük günah sayıram.

Hər şey gözləməyi bilən insana öz-özlüyündən gələr.

Elə xoruzlar var ki, banladıqları üçün səhərin açıldığını düşünürlər.

İnsanlara ən ədalətli şəkildə paylanan nemət ağıldır. Çünki heç kim ağlından şikayətçi deyildir.

Qadın elə bir mövzudur ki, onu nə qədər araşdırırsan araşdır hər vaxt yenidir.

Söz böyük şeydir. Ona görə böyükdür ki, sözlə insanları birləşdirmək də olur, ayırmaq da, sözlə məhəbbət də qazanmaq olar, ədavət və düşmənçilik də.

Ölmək üçün doğulmuşdur insan, ona görə də hər yağış sonrası torpaq qoxusunu sevər...

Başqaları üçün özünüzü unudun. O zaman sizi də xatırlayacaqlar.

Gözəl olan sevgili deyildir, sevgili olan gözəldir.

Bir insanı olduğu mövqe ilə deyil, göz qoyduğu mövqe ilə ölçmək lazımdır.

Düzgünlük hər yerdə, xüsusən də tərbiyədə başlıca şərtdir.

Ən yaxşı tərbiyə - yaxşı nümunədir.

Hər zaman qəlbimizdən gələn və doğru olduğuna inandığımız səsə tabe olmalıyıq, çünki o səs heç bir zaman yalan söyləməz...

Xoşbəxt olmaq üçün xoşbəxtliyin mümkün olduğuna inanmaq lazımdır.

İşıq saça bilmirsənsə, heç olmasa işığın qabağını kəsmə.

Tərbiyə ilə təhsil ayrılmazdır.

Sus, ya da susmaqdan da qiymətli söz söylə!

Sağlam adamın özünü əməkdən azad etməsi cinayətdir.

Bilik o vaxt bilikdir ki, o hafizə gücünə deyil, ağıl gücünə qazanılıb.

Vicdan-insanların həyatının doğru yol göstəricisidir.

Sadəlik - mənəvi gözəlliyin əsas şərtidir.

Xoşbəxt öz evində xoşbəxt olandır.

Hər cür inamın mahiyyəti onun həyata elə məna verə bilməsindədir ki, o ölümdən yüksəyə qalxır.

Məhəbbət – həyat yaradır.

Qorxaq dost düşməndən qorxuludur, çünki düşməndən ehtiyat edirsən, dostuna isə arxayın olursan.

Yalnız ölmək istəməyəni xilas etmək mümkündür.

Xeyirxahlıq təbiidir, bədxahlıq isə sonradan özünə yer tapıb.

Sənət xeyirlə şəri fərqləndirmək, yaxşını tanımaq vasitəsidir.

Xəyalda elə tərəf var ki, o, gerçəklikdən yaxşıdır; gerçəklikdə elə tərəf var ki, xəyaldan yaxşıdır. Tam xoşbəxtlik bunların ikisinin bir araya gətirilməsidir.

Xoşbəxtlik peşmanlığa gətirməyən həzzdir.

Nə qədər insan varsa, o qədər də fikir var. Nə qədər ürək varsa, o qədər sevgi növü var.

Bəd əməllərin kökü bəd fikirlərdir.

Sadəlik, xeyirxahlıq və dürüstlük olmayan yerdə böyüklük yoxdur.

Gözəllik bizim sevdiyimiz şeydir. Yaxşı olduğuna görə sevmirik, sevirik deyə yaxşıdır.

Bütün xoşbəxt ailələr bir-birinə bənzəyir, bədbəxt ailələrin isə hərəsi bir cür bədbəxtdir.

Vətənpərvərlik təkcə vətəni sevmək deyil. Bu, daha dərin bir hadisədir... Bu, özünün vətəndən ayrılmaz olduğunu dərk etmək və xoşbəxt və bədbəxt günlərini onunla birgə yaşamaqdır.

Heç nə etməyən səhvə yol verməz; əslində bu, onun elə əsas səhvidir.

Aforizmlər fəlsəfi mühakimələri ifadə etməyin bəlkə də ən yaxşı formasıdır.

Adi adamlardan uca duran şəxs həmişə yalqızdır.

Sadəlik, yaxşılıq və dürüstlük olmayan yerdə böyüklük yoxdur.

Həqiqi sənətkar təkcə "başının ağlı" ilə deyil, həm də "ürəyinin ağlı" ilə yaşayır.

Deməyə sözü olmayan hamıdan çox danışar.

İnsanlar danışmağı öyrənirlər, halbuki əsas elm nə vaxt və necə susmaq elmidir.

Sevgi ilə məharət bir araya gələndə, sənət incisi yaranar.

Sənətkar insanları öz daxilinə yönəldir və qəlbin hamı üçün ümumi olan sirlərini insanlara açıb göstərir.

Azadlığa təzyiq göstərməklə ona meyli daha da gücləndirmiş oluruq.

Bilik məqsəd deyil, alətdir.

Heç bir işlə məşğul olmayan insanın həmişə çoxlu köməkçiləri olur.

Yalnız qəlbimizdəki suallara cavab verən şeyləri oxumaq lazımdır.

Bir kəs ki ağrı hiss edir, canlıdır. O kəs ki başqasının ağrısını hiss edir, insandır.