Bakı Şəhər Mədəniyyət Baş İdarəsi Nərimanov rayon Mərkəzləşdirilmiş Kitabxana Sisteminin Mərkəzi Kitabxanasının əməkdaşı Ülkər Zeynalova dahi şair Nizami Gəncəvinin “Kərpickəsən kişinin dastanı” hekayəti haqqında videoçarx hazırlayıb.

Əmək insan həyatının əsasını təşkil edir. Təsadüfi deyil ki, tarix boyu xalq arasında əməyə dair çoxlu atalar sözü və məsəllər yaranıb, bir çox sənətkarlarımız öz əsərlərində əməyi tərənnüm edib, əməkçi insan surətləri yaradıb, əməyin xariqələr yaradan qüdrətindən bəhs ediblər.

“İş insanın cövhəridir”, “İşləməyən dişləməz”, “Əmək xoşbəxtliyin açarıdır” və s. kimi hikmətli kəlamlar çox maraqlı xalq deyimləridir.

Dahi şairimiz Nizami Gəncəvi öz əsərlərində əmək adamlarını dərin məhəbbətlə təsvir edib və əməyə yüksək qiymət verib. Bu cəhətdən şairin “Sirlər xəzinəsi” poemasındakı “Kərpickəsən kişinin dastanı” hekayəti çox maraqlıdır. Burada göstərilir ki, Şam şəhərində kərpic kəsmək kimi ağır zəhmətlə məşğul olan bir qoca kişi yaşayırmış. O, əyninə öz əlinin zəhməti ilə otlardan biçdiyi köynək geyir, kərpic kəsib dolanırmış. Bir gün gənc bir oğlan kərpickəsən qocanın yanına gələrək bir qarın çörək üçün belə bir ağır zəhmət tələb edən işlə məşğul olmamasını ona məsləhət bilir. Qoca kişi cavan oğlanın məsləhətlərindən narazı qalaraq ona tutarlı cavab verir. Qocanın haqlı və ədalətli sözləri gəncə çox böyük təsir göstərir və o, hərəkətindən peşman olaraq üzr istəyərək çıxıb gedir.

Aşağıdakı keçidlərə daxil olaraq videoçarxa baxa bilərsiniz:

https://www.facebook.com/100007549111926/videos/450450582731409/

https://www.instagram.com/tv/CTQF1POg2X4/?utm_source=ig_web_copy_link