Noyabrın 26-da Bakı Şəhər Mədəniyyət Baş İdarəsinin təşkilatçılığı ilə Suraxanı rayon Heydər Əliyev Mərkəzində “Ümummilli Lider Heydər Əliyev müstəqil Azərbaycan Konstitusiyasının müəllifidir” adlı tədbir keçirilib.

“Konstitusiya və Suverenlik İli” çərçivəsində keçirilən tədbirdə rayon idarə və müəssisələrinin əməkdaşları, məktəblilər iştirak ediblər.

Əvvəlcə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.

Suraxanı rayon Heydər Əliyev Mərkəzinin direktoru Xəyalə Mahmudova, 114 nömrəli tam orta məktəbin tarix müəllimi Lamiyə Məsimova çıxış edərək edərək qeyd ediblər ki, 1995-ci ildə qəbul olunmuş Müstəqil Azərbaycan Respublikasının Konstitusiyası Ümummilli Lider Heydər Əliyevin müdrik siyasi liderliyi ilə hazırlanaraq dövlətçiliyimizin hüquqi təməlini formalaşdırıb. Bu sənəd ölkənin suverenliyini, hüquqi, demokratik və dünyəvi dövlət prinsiplərini, insan hüquq və azadlıqlarını ali dəyər kimi təsbit edib. Bu gün Prezident İlham Əliyev həmin Konstitusiyanın ideyalarına əsaslanaraq müasir Azərbaycanın inkişaf yolunu uğurla davam etdirir.

Tədbirin bədii hissəsində 114 və 154 nömrəli tam orta məktəblərinin şagirdlərinin ifalarında şeir kompozisiyaları dinlənilib.

Sonda tədbir iştirakçıları Ümummilli Lider Heydər Əliyevin zəngin irsini əks etdirən ekspozisiya ilə tanış olublar.