XƏBƏRLƏR
MƏLUMAT
Bu gün Əməkdar artist Teymur Məmmədovun doğum günüdür
ÜMÜMİ XƏBƏRLƏR
22/02/2023 23:43

Teymur Bayram oğlu Məmmədov 23 fevral 1960-cı ildə Ağdamın Yusifcanlı kəndində anadan olub. O, Azərbaycan Dövlət İncəsənət İnstitutunda dram-kino aktyorluğu fakültəsində təhsil alıb (1978-1982, Nəsir Sadıqzadənin kursu). 1982-1984-cü illərdə hərbi xidmətdə olub.

Tanınmış aktyor İncəsənət İnstitutunu bitirdikdən sonra təyinatla 1982-ci ildən Ağdam Teatrında işləməyə başlayıb. Hərbi xidmətdən sonra Şuşa Mədəni-Maarif Texnikumunda ixtisas müəllimi işləyib. Teymur Məmmədov Şuşa Teatrının yaradıcılarından biridir. 1990-cı ildən Şuşa Dövlət Musiqili Dram Teatrında aktyor kimi fəaliyyət göstərir. Teymur Məmmədov həm də ANS televiziyasında yayımlanan “Qulp”, “Mübarizə” verilişlərində işləyib.

Teymur Məmmədov 27 may 2018-ci ildə “Azərbaycanın Əməkdar artisti” fəxri adına layiq görülüb.

Baxış sayı: 633