Mayın 2-də Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində Ümummilli Lider Heydər Əliyevin əziz xatirəsinə həsr olunmuş “Bir dahinin ömür yolu” adlı tədbir keçirilib.

Tədbirdə rəsmilər, şəhid ailələri, rayon təhsil, mədəniyyət və səhiyyə müəssisələrinin əməkdaşları, məktəblilər iştirak ediblər.

Əvvəlcə Azərbaycan Respublikasının Dövlət Himni səsləndirilib. Ümummilli Lider Heydər Əliyevin əziz xatirəsi bir dəqiqəlik sükutla yad edilib. Daha sonra Heydər Əliyevin həyat yolundan bəhs edən kompozisiya nümayiş olunub.

Çıxışlarda bildirilib ki, Heydər Əliyev Azərbaycanın müstəqilliyinin və inkişafının memarı, xalqımızın xilaskarı kimi tarixdə silinməz iz qoymuş dahi şəxsiyyətdir. Onun siyasi uzaqgörənliyi, milli dəyərlərə verdiyi önəm və gənclərə olan diqqəti bu gün də bizim fəaliyyətimizə istiqamət verir. Ümummilli Lider Heydər Əliyevin layihələri bu gün cənab Prezidentimiz İlham Əliyev tərəfindən uğurla davam etdirilir.  

Tədbirin bədii hissəsində Gülarə Əliyeva adına 3 nömrəli Uşaq İncəsənət Məktəbinin müəllim və şagirdinin piano, skripkada ifaları, xor ansamblının çıxışları dinlənilib. 3 nömrəli Uşaq-Gənclər İnkişaf Mərkəzinin dərnək üzvlərinin ifasında şeir kompozisiyaları səsləndirilib.

Tədbirin sonunda Suraxanı rayon Heydər Əliyev Mərkəzinin “Heydər Əliyev və Azərbaycan” layihəsi üzrə məktəblərdə keçirilən açıq dərslərində fəal iştirak edən şagirdlər təltif olunub.