Bu gün Azərbaycanın teatr tarixində özünəməxsus yeri olan opera artisti Əhməd Ağdamski kimi tanınan Əhməd Bədəlbəyli  5 yanvar 1884-cü ildə Azərbaycanın Qarabağ torpaqlarının mərkəzi Şuşada ziyalı ailəsində doğulub. Əhməd kiçik yaşlarından xalq mərasim tamaşalarında iştirak edib.

Səhnə fəaliyyətinə 1910-cu ildə “Nicat” Xeyriyyə Cəmiyyətinin teatr truppasından başlayan Əhməd Bədəlbəyli Azərbaycanda qadın aktyorların yoxluğu ucbatından 1920-ci ilədək opera və musiqili komediyalarda əsasən qadın rollarını oynayıb. Üzeyir bəy Hacıbəylinin “Leyli və Məcnun” operasında Leyli, “Əsli və Kərəm”də Əsli, “O olmasın, bu olsun” operettasında Gülnaz, “Arşın mal alan”da Gülçöhrə, “Ər və arvad” operettasında Minnət, “Rüstəm və Söhrab” operasında “Təhminə, “Şah Abbas və Xurşudbanu” operasında kəndli qızı obraşları opera tariximizdə özünəməxsus yer tutub.

Teatrda çalışdığı illərdə o, Hüseynqulu Sarabski, Hüseyn Ərəblinski, Mirzəağa Əliyev, H.Hacıbababəyov və sair sənət fədailəri ilə dostluq, əməkdaşlıq edib. Ötən əsrin 20-ci illərinin əvvəllərindən orkestrdə tar çalmağa başlayır.

37 yaşından ömrünün sonunadək pedoqoji fəaliyyətlə məşğul olan Əhməd Ağdamski, 1954-cü ildə, 70 yaşında dünyasını dəyişib.