![](https://az.baku-art.com/images/test/downloadDavud Kazımov.jpg)
Davud Kazımov 1926-cı ildə Bakıda dünyaya gəlib. 1945-ci ildə Azərbaycan Dövlət Rəssamlıq məktəbini bitrib. 1947-ci ildən respublika və ümumittifaq sərgilərinin iştirakçısıdır. İlk əsərləri “Zuğulba”, “Dəniz sahili” kiçik həcmli mənzərələri, eləcə də mövzusu Sovet ordusunun həyatından olan tabloları lirizmi, səmimi, incə koloriti ilə seçilir.
Fırça ustasının yaradıcılığında əmək mövzusu əsas yer tutur. Sonrakı illərdə respublikamızın kənd və rayonlarına səfərləri zəhmət adamlarının qadir əlləri ilə yeni vüsət alan doğma diyarımızın gözəlliyini dərindən duymağa sövq edir. Xüsusilə Masallı, Lənkəran və Astara bölgələrində yaşayan insanların həyat tərzi, adət-ənənələri, etnoqrafik özəllikləri, rəngarəng milli geyimləri rəssamın əsl ilham mənbəyidir.
Səfərlərindən gətirdiyi bir sıra etüdləri əsasında işlədiyi əsərlər dəfələrlə respublika və ümumittifaq sərgilərində sənətsevərlərin böyük rəğbətini qazanıb. “Xəzərin təkində”, “Sağıcılar”, “Yollar” və başqa tablolar mövzunun lirik yozumu ilə obrazların xarakterinə uyğun gəlir. Doğma yurdumuzun əmək adamlarına həsr olunmuş əsərlərində rəssamın öz təbiətinə xas səmimiyyəti, insanlara məhəbbəti rənglərin dili ilə inandırıcı təsir bağışlayır.
Davud Kazımov Azərbaycan təsviri sənətində istedadlı qrafika ustası kimi də tanınıb. O, kitab illüstrasiyası sahəsində daha çox çalışıb. Onun illüstrasiyaları arasında Cəlil Məmmədquluzadənin, Cəfər Cabbarlının hekayələrinə, Mirzə Əli Möcüzün şeirlərinə çəkilmiş rəsmləri ayrıca qeyd olunmalıdır. Cənubi Azərbaycanın satirik şairi Mirzə Əli Möcüzün şeirlərinə çəkilmiş rəsmlər kəskin publisistik təsvir dili, obrazların dinamikliyi, daxili gərginliyi və dramatizmi ilə seçilir.
Fidan balalarımız da yaddan çıxmayıb. Abdulla Şaiqin “Tülkü həccə gedir”, “Yaxşı arxa” kitablarına, Mikayıl Rzaquluzadənin “Ovçu Elişlə qoçaq Aytəkinin nağılı”na, Nəriman Nərimanovun “Pir” hekayəsinə, Xanımana Əlibəylinin “Sənubərin gözləri” adlı şeirlərinə pero və sulu boya ilə illüstrasiyalar çəkib.
Əfsanəvi “Neft daşları”nda xarüqələr yaradan Xəzər neftçilərinin romantik həyatı, fədakar əməyi rəssamın sevimli mövzularından biridir. O, dəfələrlə dəniz üzərində şəhərdə müşahidələrini rəsm albomuna köçürüb, etüdlər edib. Bütün bunlar sonralar süjetli tablolara, mənzərələrə, portretlərə çevrilib. Sərt boyalarla işlənmiş “Neftçilər” tablosunda surətlərin üzündən mərdlik, dönməzlik hissləri oxunsa da, bu nişanələrlə yanaşı, bir rahatlıq, lirik ovqat da duyulmaqdadır. Məşhur neftçi “Qurban Abbasovun portreti” tamaşaçılara bu duyğuları aşılayır.
1980-ci ilin sonunda Davud Kazımov İspaniyanın şəhərlərini, kəndlərini dolaşıb, qədim memarlıq abidələrini seyr edib, muzeyləri gəzib, sadə, qonaqpərvər ispanlarla görüşüb. Sonralar bu əyani material müxtəlif tabloların və mənzərələrin yaranması üçün zəngin mənbə olub. Elə həmin il “İspaniya silsiləsi” Davud Kazımovun yaradıcılıq səfərinin hesabatı kimi Bakıda sənətsevərlərin mühakiməsinə verilib və tamaşaçıların rəğbətini qazanıb.
1979-cu ildə Bolqarıstanda yaradıcılıq səfərində olub. Onun tablolarından və rəsmlərindən ibarət “Bolqarıstan silsiləsi” yaradıcılıq səfərinin hesabatı idi.
Səfərin sonunda Simolin şəhərində maraqlı sərgisi açılıb.
“Atasının Məcnunu Kəbəyə aparması” tablosunun mövzusu dahi Nizami Gəncəvinin “Leyli və Məcnun” mənzum romanından alınıb. Əsər hazırda Nizami Gəncəvi adına Milli Azərbaycan Ədəbiyyatı Muzeyinin ekspozisiyasında nümayiş etdirilir.
Dünya ədəbiyyatı xəzinəsinin, eləcə də Şərq poeziyasının ən dəyərli incisi olan “Şahnamə” epopeyası... Kitab dahi söz xiridarı Əbülqasim Firdovsinin portreti ilə açılır. Rəssam hökmdarların sərgüzəştlərini, saysız döyüş səhnələrini, cəngavərlərin qəhrəmanlığını, xeyir və şərin mübarizəsini zəngin boyalarla əks etdirən lövhələr yaratmağa nail olub. “Şahnamə” əsərinə çəkdiyi illüstrasiyalar kitab qrafikası sahəsində yaratdığı ən böyük uğurlarından biridir.
Xalq rəssamının əsərlərinin “səyahət coğrafiyası” genişdir: Almaniya, Çexoslovakiya, İtaliya, İraq, Türkiyə və başqa ölkələr.
Hazırda Azərbaycan Respublikasının Amerika Birləşmiş Ştatlarındakı səfirliyi binasının interyerini Davud Kazımovun “Abşeron mənzərələri” bəzəyir. İndi bir sıra əsərləri Azərbaycan tarixi, Nizami Gəncəvi adına Milli Azərbaycan Ədəbiyyatı və Rüstəm Mustafayev adına Azərbaycan Dövlət İncəsənət muzeylərində nümayiş etdirilir.
Davud Kazımov Azərbaycan Dövlət Rəssamlıq Skademiyasının professorudur. Rəngkarlıq fakültəsində dərs deyib.
Professor peşəkar rəssamlığın özəlliklərindən söz açır: “Rəssam rəsm çəkən deməkdir. Rəsm rəssamlığın, necə deyərlər, “fəqərə sütunudur”. Hər bir adam şəkil çəkə bilər, ancaq hər adam sözün həqiqi mənasında rəssam ola bilməz. Gördüyün, müşahidə etdiyin hər şeyi kətana, kağıza köçürmək hələ rəssam olmaq deyil. Təsviri sənətin bu sahəsi ilə məşğul olanların yüksək bədii təxəyyülü olmalıdır”.
Xalq rəssamı Davud Kazımov 14 fevral 2015-ci ildə vəfat edib.
- 16:29 Gənc Tamaşaçılar Teatrı yeni teatr mövsümünə hazırlaşır
- 16:05 Laçın Şəhəri Gününə həsr olunmuş tədbir keçirilib
- 15:03 Qaradağ rayon Heydər Əliyev Mərkəzinə ekskursiya təşkil olunub
- 14:35 Bu gün görkəmli yazıçı Əlibala Hacızadənin anadan olmasının 89-cu ili tamam olur
- 12:04 Laçın Şəhəri Günü təntənəli şəkildə qeyd olundu
- 09:48 Bu gün Xalq artisti Böyükxanım Əliyevanın doğum günüdür
- 09:38 Azərbaycanlı rejissorun filmi Cənubi Koreyada mükafat qazanıb
- 09:37 Ramil Qasımov dahi şair Məhəmməd Füzulinin 530 illiyi münasibətilə yeni klip təqdim edib
- 09:27 Bu gün kinorejissor Vaqif Mustafayevin doğum günüdür
- 16:16 Mədəniyyət naziri Adil Kərimli Naxçıvanda vətəndaşları qəbul edəcək
- 15:43 Azərbaycan ilə Türkiyənin kitabxana işi sahəsində birgə layihələri Ankarada müzakirə olunub
- 14:34 Kitabxanada “Yaradıcı oxucular” layihəsi uğurla davam edir
- 14:22 Yaxın günlərdə prioritet ixtisaslara ödənişsiz qəbul aparılacaq
- 12:10 Qələbəyə həsr olunmuş “Borc” bədii filminin çəkilişlərinə başlanılır
- 11:21 Laçın Şəhəri Günü qala konsert və atəşfəşanlıqla başa çatıb
- 09:38 Laçın Şəhəri Günü – Həkəri çayının sahilində çal-çağır
- 09:28 Laçın şəhər seyrəngahında ustad dərsləri, tamaşa nümayişləri
- 09:09 “Qədim sənətin müasir məkanı” adlı tədbir keçirilib
- 17:31 Laçında bayram şöləni davam edir
- 16:35 Laçın Şəhəri Gününün təntənəli açılış mərasimi olub
- 14:33 Zərdüşt Şəfizadənin hekayəsi ərəb portallarında
- 14:30 Gənclər Kitabxanasında Beynəlxalq Azərbaycan Muğamı Günü ilə əlaqədar kitab sərgiləri açılıb
- 12:48 Milli Kitabxanada Laçın Şəhəri Gününə həsr olunmuş sərgi açılıb
- 12:18 Yeni layihə – “Nağılların audiovizual təqdimatı”
- 11:41 Azərbaycan Musiqi Mədəniyyəti Dövlət Muzeyinə ekskursiya təşkil edilib
- 10:31 Bu gün Beynəlxalq Azərbaycan Muğamı və İpək Yolu üzərində yerləşən ölkələrin musiqisi günüdür
- 09:59 Laçın şəhərinin azad olunmasından iki il ötür
- 09:50 Bu gün Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür
- 09:46 Laçın Şəhəri Günü növbəti dəfə təntənə ilə qeyd ediləcək
- 09:36 Kukla Teatrı yeni mövsümdə maraqlı səhnə əsərləri ilə tamaşaçıların görüşünə gələcək
- 09:33 Azərbaycanın ilk peşəkar qadın rəssamı Vəcihə Səmədovaya həsr olunmuş poçt markası hazırlanıb
- 15:05 “Qonağımız var” layihəsi davam edir
- 17:37 Türk Mədəniyyəti və İrsi Fondunun 12 yaşı tamam oldu
- 16:08 Azərbaycanlı şair Şimali Makedoniyada poeziya festivalında iştirak edir
- 15:01 “Aktyor” bədii filmi ekranlaşdırılıb
- 12:12 Musiqili Teatr yeni mövsümdə də ənənəsinə sadiq qalacaq
- 11:23 Kitabxanada tədbir təşkil edilib
- 11:06 Sankt-Peterburqun Aleksandrinski Teatrının yaradıcı heyəti Bakıya qastrola gələcək
- 10:36 Qaradağ rayon Heydər Əliyev Mərkəzinə ekskursiya təşkil olunub
- 10:01 Daşkənddə Azərbaycan və Özbəkistan sənətçilərinə fəxri adlar təqdim olunub
- 09:38 Bu gün Xalq artisti Şahmar Ələkbərovun doğum günüdür
- 09:22 “Zəfər üçün oxu!” layihəsi çərçivəsində “Azərbaycan” mahnısına çəkilən klipin təqdimatı olub
- 11:38 Kitabxanada “COP29 nədir?” adlı məlumat saatı keçirilib
- 10:05 Bu gün Əməkdar artist Aygün Bəylərin anadan olmasının 49 ili tamam olur
- 09:22 Türkdilli region və dövlətləri birləşdirən yayım platformasının yaradılması müzakirə olunub
- 09:21 Azərbaycanlı şairə Özbəkistan Yazıçılar Birliyinin fəxri üzvü seçilib
- 14:35 Kitablar arasında yaşanan ömür
- 13:00 Gənclər Kitabxanası yazıçı Rəşad Məcidin 60 illik yubileyi münasibətilə sərgi hazırlayıb
- 11:16 Şuşa Teatrı sentyabrda maraqlı səhnə əsərləri təqdim edəcək
- 09:19 Bu gün Əməkdar artist Təvəkkül Əliyevin anadan olmasının 73-cü ili tamam olur
- 17:38 Musiqi, incəsənət məktəb və mərkəzlərinə sənəd qəbulunun qeydiyyat müddəti uzadıldı
- 16:50 Maestro Niyazinin anadan olmasının 112 illiyinə həsr edilmiş tədbir təşkil olunub
- 14:25 Maestro Niyazinin məzarı ziyarət olunub
- 11:14 “Mütaliə saatı” təşkil olunub
- 11:09 Oxucular üçün növbəti “Mütaliə saatı” təşkil edilib
- 10:23 Bu gün SSRİ Xalq artisti, maestro Niyazinin anadan olmasının 112 ili tamam olur
- 09:38 Malayziyada Azərbaycanın mədəni irsinə dair təqdimat keçirilib
- 09:14 Bu gün Xalq artisti Xan Şuşinskinin anadan olmasının 123 ili tamam olur
- 17:03 Astanada əfsanəvi müğənni Roza Baqlanova adına Beynəlxalq Vokal Müsabiqəsi keçiriləcək
- 14:41 Türkiyənin Marmaris və Antalya şəhərlərində “Azərbaycan mədəniyyəti və sənəti günü” keçiriləcək