Ölkəmizdə nadir tapılan çia toxumu dünyaca ən sağlam qidalar arasında yer alıb.

Həm bədən, həm də beyin inkişafı üçün faydalı bir çox maddələrlə zəngindir.

Çia toxumu əzələlərdəki yağı yandırmağa, qandakı şəkəri tənzimləməyə kömək edir.

Tərkibində Omega-3, xətti alfa turşusu, kalsium, fosfor, maqnezium, sink, dəmir və s. minerallar mövcuddur.

Liflərlə zəngin olan çia bağırsaqlar üçün dərmandır. Lif nisbətinin yüksək olması həzmi yaxşılaşdırır. Bağırsaqlarda olan probiotik bakteriyaların böyüməsinə səbəb olur. Liflər həm də insana daha enerjili olmağa kömək edir.

Pəhriz saxlayan şəxslər üçün ideal seçimdir, çünki insanda toxluq hissi yaradır.

Ürək xəstələri üçün də faydalıdır. Xolesterolu tənzimləyir, təzyiqi salır. İnfarkt keçirmə riskini azaldır.

Çia toxumu xırda olsa da, sümüklərin bərkiməsində də rolu var. Gündəlik kalsium ehtiyacımızın 18%-ni ödəyir.

Qəbizlikdən əziyyət çəkənlər üçün hər gün 1 çay qaşığı çianın üzərinə 1 stəkan qaynar su töküb, soyuduqdan sonra yatmazdan bir saat öncə içmək faydalı ola bilər. İçinə çay qaşığının ucunda darçın da əlavə etmək olar.

Çia qarın bölgəsində yağ toxuması meydana gəlməsinə mane olur. Maddələr mübadiləsini sürətləndirərək, arıqlamağa kömək edir.

Xərçəng hüceyrələrinin artmasını məhdudlaşdırır.

Tərkibindəki “Omeqa-3” sayəsində beyin üçün faydalıdır.