Bakı Şəhər Mədəniyyət Baş İdarəsinin və Lənkəran-Astara Regional Mədəniyyət İdarəsinin birgə təşkilatçılığı ilə Lerik rayon Mədəniyyət Mərkəzində “Mədəniyyət körpüsü” layihəsi çərçivəsində Əməkdar artist Dilarə Əliyeva “Mintonasiya” adlı stand-up konserti ilə çıxış edib.

Tədbirdə rəsmilər, şəhid ailələri, qazilər, idarə, müəssisə, təşkilatların əməkdaşları və rayon ictimaiyyətinin nümayəndələri iştirak ediblər.

Dilarə Əliyeva çıxışında qonaqları salmalayıb, stand-up layihəsinin necə ərsəyə gəlməsindən danışıb. Bildirib ki, layihənin ssenari və ideya müəllifi Fariz Əliyevdir. Daha sonra Əməkdar artist “Mintonasiya” adlı stand-up konserti ilə çıxış edib.

Gurultulu alqışlarla müşaiyət olunan konsert proqramından tamaşaçılar böyük zövq alıb.