Tariyel Vəliyev fəaliyyətinə radioda başlasa da, ömrünün sonuna qədər Azərbaycan televiziyasinda rejissor vəzifəsində çalışıb. Bu illər ərzində sənədli filmlərə, dövlət tədbirlərinə, bayram proqramlarına, televiziya tamaşaları və verilişlərinə quruluş verib. Azərbaycan televiziya məkanında ilk çoxseriyalı televiziya tamaşasının, “Səni axtarıram”, “Bağışla”, “Səndən xəbərsiz” trilogiyasının quruluşçu rejissoru olub. Onun quruluş verdiyi “Pəncərədə işıq”, “Ötən ilin son gecəsi”, “Sən həmişə mənimləsən”, “Evləri köndələn yar”, “Yaşıl eynəkli adam -1”, “Qaranquş yuvası”, “Məhəbbət macərası” ekran işləri bu gün də tamaşaçılar tərəfindən sevilir. O, “Xalqa həsr olunmuş ömür” televiziya verlişinin, “Xilas günü”, eləcə də “Heydər Əliyev-75”, “Əbədiyyət” verilişlərinin, “Ata” klipinin quruluşçu rejissoru olub. Tariyel Vəliyev 2012-ci ildə vəfat edib.