XƏBƏRLƏR
MƏLUMAT
“Mən Moskvanı gəzirəm” filminin ekranlara çıxmasından 60 il ötür
ÜMÜMİ XƏBƏRLƏR
09/04/2024 09:25

Milyonlarla tamaşaçının sevgisini qazanmış əfsanəli “Mən Moskvanı gəzirəm” bədii filminin ekranlara çıxmasından 60 il ötür.

AZƏRTAC Rusiya mediasına istinadla xəbər verir ki, məşhur rejissor Georgi Daneliyanın kinodramaturq Qennadi Şpalikovun ssenarisi əsasında lirik komediya janrında çəkdiyi filmin premyerası 1964-cü il aprelin 11-də Moskvadakı “Rusiya” kinoteatrında olub. Lentin operatoru bir çox maraqlı kinolentlərində işləri ilə tanınan Vadim Yusovdur.

60-cı illərin mühitini əks edən “Mən Moskvanı gəzirəm” filmi o zaman dəbdə olan italyan neorealizmi və fransız “yeni dalğa”sı cərəyanları üslubunda çəkilib, Sovet İttifaqında isə bu “yumşaq” kino adlanırdı.

Aralarında səmimi dostluq, sevgi, bağlılıq hissləri olan gənclərdən bəhs edən bu filmdə baş rolda 18 yaşlı Nikita Mixalkov çəkilib. Filmdə debüt rollarını daha sonra geniş tamaşaçı auditoriyasının sevgisini və etibarını qazanan bir çox gənc aktyorlar ifa edib.

 

Baxış sayı: 164