Bakı Şəhər Mədəniyyət Baş İdarəsinin Nərimanov rayon Mərkəzləşdirilmiş Kitabxana Sisteminin əməkdaşı Gülarə Qəniyeva filosof, yazıçı, bəstəkar Jan Jak Russo haqqında videoçarx hazırlayıb.

Jan Jak Russo - filosof, yazıçı, pedaqoq, musiqişünas, fransız sentimentalizminin görkəmli xadimidir. Əslən fransız olsa da, 28 iyun 1712 -ci ildə İsveçrənin Cenevrə şəhərində anadan olub. XVIII əsr Fransada "Maarifçilik" hərəkatının ən görkəmli nümayəndəsi, Ensiklopediyanın yaradıcılarından biri olub.

1789-1794 cü ildə Fransa Burjua inqilabı zamanı onun əsərləri Yakobinlərin əsas ideya dayağı olub. Jan Jak Russo coxlu sayda mahnıları, konsertlərı, sonataları və digər instrumental kompozisiyaları ilə dünya şöhrəti qazanıb. 1752-ci ildə yazdığı "Kənd cadugəri" (Le Devin du village) adlı operası (intermediya) xüsusi şöhrət qazanıb.

Əsərlər arasında - məqalələr, şeirlər, komediyalar, romanlar, librettolar və operalar üçün musiqilər üstünlük təşkil edir: "Nərgiz", "Hərbi əsirlər", "Sənət və elm haqqında diskussiya", “Kənd cadugəri”, "Yulia və ya Yeni Eloiza ", "Emil ya Təhsil haqqında", "Sosial Müqavilə haqqında", "Etiraf", "Piqmalion", "Dialoqlar: Russo Jan Jakı mühakimə edir", "Bir xəyalpərəstin gəzintiləri".

Russo ictimai müqavilə nəzəriyyəsini parlaq şəkildə populyarlaşdırıb və eyni zamanda ona bir sıra xüsusi cizgilər əlavə edib. Russo bütün insanların bərabərliyini tanımayan və insanı anadangəlmə xudbin və qüsurlu varlıq hesab edən Aristotel və Hobbsu kəskin tənqid edib. Russo bildirib ki: "İnsan azad doğulur, lakin hər yerdə zəncirlənmişdir. Bu vəziyyətin səbəbi ədalətsiz ictimai quruluşda, konkret olaraq isə feodal qaydalarında və insanları bir-birinə düşmən etmiş xüsusi mülkiyyətdədir. Cəmiyyətdə mövcud ziddiyyətləri aradan qaldırmaq üçün insanlar arasında tarixəqədərki harmonik münasibətlərə qayıtmaq lazımdır."

Videoçarxı aşağıdakı keçidlərə daxil olaraq izləyə bilərsiniz:

https://www.instagram.com/tv/CaHHml7gQU5/?utm_source=ig_web_copy_link

https://www.facebook.com/100007549111926/videos/965863737381387/