Bakı Şəhər Mədəniyyət Baş İdarəsinin Yasamal rayon Heydər Əliyev Mərkəzində Azərbaycan xalqının ümummilli lideri Heydər Əliyevin anadan olmasının 99-cu ildönümünə həsr olunmuş “Xalqa bağışlanan ömür” adlı tədbir keçirilib.

Tədbirdə Yasamal rayon İcra Hakimiyyətinin İctimai-siyasi və humanitar məsələlər şöbəsinin müdiri Zöhrab Cəfərov, AMEA-nın A.A.Bakıxanov adına Tarix İnstitutunun “Əliyevşünaslıq” şöbəsinin müdiri, tarix elmləri doktoru Ədalət Qasımov, böyük elmi işçi, tarix üzrə fəlsəfə doktoru Günel Aslanlı, Yasamal rayonu ərazisində fəaliyyət göstərən ümumtəhsil məktəblərinin,  QHT-lərin rəhbərləri, müsabiqə iştirakçıları,  KİV nümayəndələri və digər qonaqlar iştirak ediblər. 

Öncə Mərkəzin foyesində ümumilli lider Heydər Əliyevin anadan olmasının 99-cu ildönümü ilə əlaqədar keçirilmiş rəsm müsabiqəsi qaliblərinin və Azərbaycan Milli  Konservatoriyasının  tərkibində  Respublikaİncəsənət Gimnaziyasının şagirdlərinin əl işlərindən ibarət sərgiyə baxış keçirilib.

Daha sonra Mərkəzin “Muzey” bölməsində Ulu Öndər Heydər Əliyevin büstü önünə gül dəstələri qoyularaq, əziz xatirəsi yad edilib.

Tədbir Azərbaycan Respublikasının Dövlət Himninin səsləndirilməsi ilə başlayıb.

Ümummilli lider Heydər Əliyevin əziz xatirəsi bir dəqiqəlik sükutla yad edilib.

Tədbiri giriş sözü ilə Yasamal rayon Heydər Əliyev Mərkəzinin direktoru Naminə Ömərova açaraq qonaqları salamlayıb,  Azərbaycan xalqının taleyüklü məsələlərinin həllində müstəsna xidmətləri olan tarixi şəxsiyyət, görkəmli dövlət və ictimai xadim Heydər Əliyevin şəxsiyyəti və onun ölkəyə rəhbərlik etdiyi dövrdə xidmətlərindən danışıb, bildirib ki, Ulu Öndərin əziz xatirəsi Azərbaycan xalqının qəlbində daim yaşayacaq.

Sonra Ulu Öndər Heydər Əliyevin həyat və fəaliyyətindən bəhs edən film nümayiş olunub.

AMEA-nin A.A.Bakıxanov adına Tarix İnstitutunun “Əliyevşünaslıq” şöbəsinin müdiri, tarix elmləri doktoru Ədalət Qasımov öz məruzəsində Heydər Əliyevin qlobal düşüncəli, geniş dünyagörüşlü, nəhəng siyasətçi olduğunu, onun rəhbərliyi dövründə Azərbaycanın demokratiya və müstəqillik yolunda atdığı uğurlu addımları sayəsində ölkənin hərtərəfli inkişafına nail olduğunu vurğulayıb.

Azərbaycan Milli  Konservatoriyasının  tərkibində  Respublikaİncəsənət Gimnaziyasının müəllimi, bədii qiraətçi Pərvanə Talıbova Ulu Öndərə həsr olunmuş “Dahiliyin zirvəsisən” şeirini səsləndirib.

Tədbirdə çıxış edən Yasamal rayon İcra Hakimiyyətinin İctimai-siyasi və humanitar məsələlər şöbəsinin müdiri Zöhrab Cəfərov, Yasamal rayon 13 saylı məktəbin direktoru Yaqut Sadıqova və  AMEA-nın Tarix İnstitutunun elmi işçisi Günel Aslanlı Ulu Öndər Heydər Əliyevin siyasi fəaliyyətindən bəhs ediblər.

Daha sonra “Xalqın böyük xilaskarı” şeir müsabiqəsinin qalibi, 31 saylı tam orta məktəbin şagirdi Jalə Məmmədkərimlinin ifasında “Ulu Öndər” şeiri, Niyazi adına 22 nömrəli uşaq musiqi məktəbinin müəllimi Dilarə Əhmədovanın fortepianoda müşayiəti ilə Elyar Əliyevin ifasında “Azərbaycan” mahnısı səslənib.

Tədbirdə Azərbaycan xalqının ümummilli lideri Heydər Əliyevin anadan olmasının 99-cü ildönümü ilə əlaqədər keçirilmiş rəsm, şeir, inşa-yazı müsabiqəsinin qaliblərinə diplomlar, Heydər Əliyev Mərkəzi ilə əməkdaşlığa və keçirilən tədbirblərdə fəal iştirakına görə qonaqlara “Fəxri Fərman”lar təqdim olunub.

Sonda İncəsənət Gimnaziyasının Xoreoqrafiya şöbəsi şagirdlərinin ifasında “Odlar Yurdu” rəqsi, Mətləb Əhmədazadənin ifasında “Xudayarın təsnifi”, “Mənim Azərbaycanım” mahnısı iştirakçılar tərəfindən maraqla qarşılanıb.