Paris şəhərində, UNESCO-nun mənzil-qərargahında təşkilatın “Mədəni özünüifadə müxtəlifliyinin qorunması və təşviqi haqqında 2005-ci il Konvensiyası”na tərəf dövlətlərin konfransının 10-cu sessiyası keçirilir.

Azərbaycan Respublikası mədəniyyət nazirinin müavini Səadət Yusifovanın rəhbərlik etdiyi nümayəndə heyəti sessiyada iştirak edir.

Nazir müavini Səadət Yusifova konfransın açılış sessiyasında çıxış edərək “Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində mədəni və yaradıcı sənayelərin inkişafı istiqamətində görülən işlər barədə ətraflı məlumat verib.

İyunun 20-dək davam edəcək konfrans çərçivəsində 2005-ci il Konvensiyasının Hökumətlərarası Komitəsinə seçkilərin keçirilməsi, 2026–2027-ci illər üçün Hökumətlərarası Komitənin gələcək fəaliyyətini müəyyən edəcək strateji istiqamətlərə və mədəni və yaradıcı sənayelərin inkişafı ilə bağlı görülən işlərə dair müzakirələrin aparılması nəzərdə tutulur.