Kintsugi – qırılmış bir əşyanı əvvəlkindən daha gözəl və qiymətli hala gətirmək məqsədi daşıyan Yapon sənətidir. Qırılmanın əslində bir dağılma və ya məhv olma deyil, yenidən var olma, mövcud olma yolu olduğuna işarə edir. Bəs sizcə, qırılan bir şeyi əvvəlkindən daha yaxşı hala gətirmək mümkündürmü?

Qüsurların mükəmməlliyini kəşf etmə sənəti: Kintsugi və Kintsukuroi

Bir çini qab qırıldıqda, yenidən yapışdırılsa, əvvəlki ilə eyni olmaz. Bəs əvvəlkindən daha gözəl ola bilərmi?

Yaponlar 600 il əvvəl bunu sənətə çevirdilər: Kintsugi (qızılla birləşmə) və Kintsukuroi (qızılla təmir)

Yapon dilində Kin-qızıl, Tsugi-birləşmək, Tsukuroi-təmir deməkdir. Yaponlar qırılmış əşyaların parçalarını qızıl, gümüş və platin boyalardan istifadə edərək birləşdirir və bu əşyanı əvvəlkindən daha cəlbedici və qiymətli edir. Yaponlar bu sənəti yüksək qiymətləndirirlər. Xüsusi Kintsukuroi dəstləri satırlar və təmir olunan əşyalar digərlərindən daha bahalı olur. Bu sənət qırıq və ya qüsurlu əşyaların da gözəl ola biləcəyini göstərir və onları alan insanlar başqalarında olmayan özəl bir şeyə sahib olurlar.

Bunun təməlində “wabi-sabi” fəlsəfəsi dayanır.

Qırılmış və ya köhnəlmiş əşyaların gözəlliyini görmək mənasını verən bu fəlsəfəyə görə, Kintsugi ilə qırılan və ya zədələnmiş əşyalar yenidən düzəldilir və onlara yeni bir həyat və məqsəd verilir.

Bir fincanınız qırıldıqda onu atıb, ondan imtina edirsiniz. Ürəyiniz qırıldıqda, özünüzdə bir qüsur gördüyünüzdə, səhv etdiyiniz zaman özünüzə qapanmağınız, özünüzü həmin olumsuzluğa həbs etməyiniz sizcə, nə dərəcədə doğrudur? Bunun əvəzinə bütün mənfi düşüncələri yaxşı düşüncələrlə düzəldə bilsəniz, əvvəlkindən daha yetkin, daha dəyərli hiss edəcəksiniz.

Mükəmməl olmaq məcburiyyətində deyilik. Özümüzü olduğumuz kimi qəbul etməliyik. Sıfırdan qırıqsız, zədəsiz bir ruha sahib olmaq məcburiyyətində də deyilik. Doğru metodla özümüzə qulluq etsək, qüsurun mükəmməlliyini əldə edə bilərik. Bu fəlsəfəyə görə, vacib olan sınmış bir şeyi bərpa etmək deyil, onun həqiqi dəyərini ortaya çıxarmaqdır. Bizi biz edən yaşadıqlarımızdır. Müsbət və ya mənfi olan hər şey xarakterimizə və həyata baxışımıza təsir edir, amma burada vacib olan bunları düzgün analiz etmək və qırıqlar düzgün təmir edə bilməkdir.

Uğurlu insanların bir çoxu çətinliklərin öhdəsindən gələrək böyük uğurlara imza atıblar və bu insanlar uğursuz olduqları anlara, qəlbini qıran insanlara təşəkkür edirlər. Onlar sayəsində özlərini düzgün dəyərləndirməyi bacarmışlar, öz gerçək dəyərlərini mənliklərində hiss edə bilmişlər. Bu o demək deyil ki, uğur qazanmaq üçün mütləq başımıza pis bir şey gəlməlidir, ancaq başımıza gələn pis şeylərlə və qırıq hissələrimizlə də mükəmməl ola bilərik, yolumuza davam edə bilərik.

Bunun üçün seçim sizin; qırıq parçalarınızla, özünüzdən biraz daha itirməyə davam mı edəcəksiniz, yoxsa onlarla yaşamayı öyrənib özünüzə qızıl dəyərlər qataraq yola davam edəcəksiniz.