Bakı Şəhər Mədəniyyət Baş İdarəsi, Xətai Rayon İcra Hakimiyyəti və Sosial Xidmətlər Agentliyinin birgə təşkilatçılığı ilə “Müdrik ömür, dəyərli gələcək” adlı tədbir keçirilib.

1 oktyabr-Beynəlxalq Ahıllar Günü münasibətilə keçirilən tədbirdə millət vəkilləri, mədəniyyət  işçiləri, media və ictimaiyyət nümayəndələri iştirak ediblər.

Tədbirdə çıxış edənlər ahılları əlamətdar bayram münasibətilə təbrik ediblər. Bildiriblər ki, ölkəmizdə ahıl şəxslər daim diqqət və qayğı ilə əhatə olunurlar. Onların sosial müdafiəsinin gücləndirilməsi, sağlamlıqlarının qorunması məqsədilə dövlətimiz tərəfindən davamlı tədbirlər həyata keçirilir.

Daha sonra tədbir konsert proqramı ilə davam edib. Konsertdə müğənnilərin ifasında musiqi nömrələri təqdim edilib.