Bakı Şəhər Mədəniyyət Baş İdarəsi Fikrət Əmirov adına 6 nömrəli onbirillik incəsənət məktəbinin şagirdi Sabir Quliyev Sopravista Beynəlxalq Festivallar (Sopravista İnternational Festivals) çərçivəsində "Gələcək ulduz" ("Future Stars") adlı onlayn konkursda iştirak edib.

Beynəlxalq müsabiqə İtaliyanın Sopravista Events şirkətinin təşkilatçılığı iləmüxtəlif mərhələlərdə, folklor və müasir incəsənət sahəsi üzrə keçirilir. Müsabiqədə İtaliya, İspaniya, Bolqarıstan, Albaniya, Polşadan ifaçılar iştirak edib.

Festivalın II mərhələsində 28 fevral 2021-ci il tarixində iştirak edən Sabir Quliyev "Klavişli alətlər-akkardion" üzrə qarmonda ifası 13-15 yaş qrupunda I yerə layiq görülüb. Müəllimi Kəmalə Novruzbəyova, konsertmeyster Şəlalə Qəhrəmanova isə təşəkkürnamə ilə təltif olunublar.

Məktəbin müəllimi Elnur Cəfərovun sinfində tar ixtisası üzrə təhsil alan Əli Məmmədli isə başqa bir müsabiqədə uğurla iştirak edib.

Azərbaycan İncəsənət və Mədəniyyət Birliyi, Azərbaycan Gənclər İttifaqı, Azərbaycan Rəqs Assosiasiyasının təşkilatçılığı ilə onlayn "Ümid 2021-Beynəlxalq Mədəniyyət və İncəsənət" ("Hope 2021- İnternational Culture and Art contest" ) müsabiqəsində 9-10 yaş qrupunda çıxış edərək ikinci yerə layiq görülüb. Onu məktəbin konsertmeysteri Arzu Gülməmmədova müşayiət edib.

Gənc istedadları, o cümlədən onların bu uğurlarında zəhməti olan müəllimləri təbrik müəllimləri təbrik edir, məktəbin şagirdlərinə gələcək işlərində uğurlar arzu edirik.