Mirvari, dəniz ilbizləri kimi bəzi qabıqlı dəniz heyvanlarının içindən çıxarılır və bəzək əşyası kimi istifadə edilir. Bunlar kiçik, dəyirmi, yüksək qiymətli, sərt sədəf rəngində olurlar. Heyvanın bədəninə bir qum dənəsi, bir parazit və ya süni olaraq bir sədəf parçası daxil olanda ətrafında bunu örtən bir maddə yaranır, beləcə mirvari təbəqələşmə nəticəsində meydana gəlir.

Molyuskanın daxili qatlarında sədəfi əmələ gətirən iki əsas maddə vardır. Bir təbəqədə mirvarini meydana gətirən "araqonit" adlı, kalsium-karbonat tərkibli mineral, digərində isə mirvaridəki bu "araqonit" maddəsini bir yerdə saxlayan "konxiolin" (buynuz maddəsi) maddəsi olur. "Araqonit" yarımşəffaf maddə olduğu üçün mirvariyə parlaqlıq verir. Bu iki maddənin molyuska tərəfindən istehsal edilməsi, daha sonra isə onların birləşib bir toz zərrəsini örtərək mirvari kimi bir gözəlliyi ortaya çıxarması olduqca heyrətamizdir. Molyuskanın qorunma məqsədi ilə əmələ gətirdiyi mirvarini insanlar zinət əşyalarında istifadə edirlər. Bu, Allahın bənzərsiz yaratdığı gözəllikdir.

Mirvari, sədəf quruluşunda olub 92% kalsium karbonat ehtiva edir. İsti və mülayim bölgənin dənizlərində yaşayan molyuskalarda rast gəlinir. İndiki vaxtda içində mirvari yaranan molyuskalar yetiştirilərək, mirvari istehsalında əhəmiyyət qazanıb. 3-7 ildə əldə edilən bu incilər təbii olanlarından ayrılmır, real mirvariyə bənzəyir.

Hər növ bəzək əşyasında istifadə edilir. Bilinən rəngindən başqa çəhrayı və ağları olduğu kimi, nadir də olsa qara rəngli mirvariyə də rast gəlinir. Qara mirvari nadir tapıldığından daha qiymətlidir.

Şüşə kürələr, üzəri yapışqan maddə ilə sıvanarak saxta mirvarilər də hazırlanır. Həqiqisinin bahalı olması, saxta mirvari sənayesinin daha çox rəğbət görməsinə səbəb olub.

Mirvarilər haqqında daha bir neçə maraqlı fakt:

Yunanlar hesab edir ki, mirvari ailəyə xoşbəxtlik gətirir və mübahisələrin qarşısını alır.

Əfsanəyə görə, Kleopatra Mark Antoniyə olan sevgisini sübut etmək üçün mirvarini şərabda həll edərək onu içib.

Roma generallarından biri bir dəfə öz anasının sırğalarını sataraq, bütöv bir hərbi kampaniyanı maliyyələşdirib.