![](https://az.baku-art.com/images/22042024/huseyn.jpg)
AZƏRTAC xəbər verir ki, 80 illik ömrün 60 ildən çoxunu sənətə həsr edən, “Mənim müəllimim təbiətin özüdür!”,- deyərək Vətəni Azərbaycana sonsuz sevgi ilə bağlanan görkəmli rəssamın yaratdıqları bu gün də böyük maraq doğurur.
Hüseyn Əliyev Azərbaycan təsviri sənətinin ən unudulmaz nümayəndələrindən biridir. Bu istedadlı rəssamın yaradıcılığında portret və təbiət mənzərələri daha çox üstünlük təşkil edir.
Hüseyn Əliyev 1911-ci il aprelin 22-də Zəngəzur mahalındakı Qarakilsə bölgəsinin Comərdli kəndində anadan olub. Gözünü açandan gördüyü təbiət, dağ, şəlalə - bir sözlə, min bir gözəllik kiçik yaşlarından qəlbinə hakim kəsilib. Təsadüfi deyildir ki, ilk rəsm əsərini çəkəndə onun 12 yaşı vardı. Bu sənətin sirlərini daha da dərindən mənimsəmək üçün o, Bakıda rəssamlıq texnikumuna daxil oldu. Burada oxuduğu illərdə (1927-1932) müxtəlif eybəcərlikləri qamçılayan “Molla Nəsrəddin” jurnalında karikaturaları, rəsm əsərləri çap edildi. Azərbaycan mətbuatının inkişafında mühüm mərhələ sayılan, işıqlandırdığı mövzular bu gün də aktual səslənən “Molla Nəsrəddin” Hüseyn Əliyevin rəssam kimi formalaşmasında böyük rol oynadı. Onun jurnalda dərc olunan karikaturaları oxucuları düşünməyə, nəticə çıxarmağa vadar edirdi. O, 1932-1935-ci illərdə Leninqrad Boyakarlıq, Memarlıq və Heykəltəraşlıq İnstitutunda təhsil alıb. Təhsilini başa vurduqdan sonra həyatını bütövlükdə “Kommunist” qəzetinə (indiki “Xalq qəzeti”) bağlayıb.
Yeri gəlmişkən qeyd edək ki, 1922-ci ildən başlayaraq görkəmli sənət ustası Əzim Əzimzadə "Kommunist"in baş rəssamı olub. 1935-ci il oktyabrın 4-dən isə onu gənc və istedadlı rəssam Hüseyn Əliyev əvəz edib. H.Əliyev yarım əsrdən çox "Xalq qəzeti"nin bədii tərtibat şöbəsinin müdiri işləyib.
İstedadlı rəssamın yaradıcılığında portret və təbiət mənzərələri üstünlük təşkil edirdi. Təsadüfi deyil ki, gənc vaxtlarında çəkdiyi dahi mütəfəkkir Mirzə Fətəli Axundzadənin portretinə görə o, respublika müsabiqəsində birinci yerə layiq görülüb və üç min manat mükafat alıb. Hüseyn Əliyev sərbəst və cəld işləməyin ustası idi. Hələ tələbəlik illərində yaratdığı sənət əsərləri elə ilk baxışdan diqqəti cəlb edirdi. O öz iş yoldaşlarının, ailə üzvlərinin, onda maraq doğuran adamların portretini qısa müddət ərzində çəkə bilirdi.
İkinci Dünya müharibəsi başlayanda Hüseyn Əliyev könüllü surətdə orduya yazılıb. Daxili İşlər Nazirliyinin tabeliyindəki 48 saylı bədii təşviqat polkunda rəssam işləyib. Musiqiçilər bölməsinin üzvləri ilə birlikdə dəfələrlə ön cəbhədə olub, neçə-neçə igid döyüşçünün portretini yaradıb, müharibə mövzusunda plakatlar hazırlayıb, qəsbkarlıq məqsədi güdən hitlerçilərin karikaturasını çəkib.
1940-cı ildən Rəssamlar İttifaqının üzvü olan Hüseyn Əliyev 1977-ci ildə Əməkdar rəssam, 1982-ci ildə Xalq rəssamı fəxri adlarına layiq görülüb.
Uşaqlığı Zəngəzur və Naxçıvanda keçən rəssam təbiətin rəngarəng qammasının vurğunu idi. Bu vurğunluq onun hər bir əsərində, rənglərin palitrasında, yaradılmış obrazların reallığında hiss olunur.
Xalq rəssamı Tahir Salahov öz xatirələrində yazır: “Qəlbimdə Xalq rəssamı Hüseyn Əliyevin işıqlı, cazibəli xatirəsi yaşayır. O, Azərbaycan rəssamlıq ənənəsini Bəhruz Kəngərli və Əzim Əzimzadədən alıb davam etdirmişdir. Biz nəsil rəssamlar incəsənətə xeyli sonralar gəlmişik. Həmişə bu qocaman ağsaqqalımıza minnətdarlıqla yanaşır, onun yaradıcılığını və mədəniyyətə gətirdiyi yeni nəfəsi yüksək qiymətləndiririk. O, rənglərlə işləməyin ustası idi. Xüsusilə də məzmunun mənasını açmağa kömək edən atribut və rəmzləri öz əsərlərində məharətlə tətbiq edirdi. Onun rənglərində musiqinin ritmi və ahəngi duyulurdu. Bu canlılıq hər rəssama xas olmur”.
Vətənin füsunkar təbiəti rəssamın duyğuları ilə həmahənglik yaradaraq rənglərdən ibarət nəhəng bir çələngə çevrilib. Fırça ustasının Göygölün təsvirinə həsr edilmiş silsilə əsərləri xüsusi ilə diqqət cəlb edir. Xalq rəssamı Azərbaycan təbiətinin incilərindən sayılan bu mavi gözlü gözəlin müxtəlif variantlarda təsvirini yaradıb. Onun qurduğu kompozisiyalar, rəng ötürmələri, koloritlik öz bənzərsizliyi ilə seçilir. İki il ərzində Kəpəz dağının 25-dən artıq akvarel görünüşünü kətana naxışlayan Hüseyn Əliyev həqiqətən möcüzə yaradıb.
Xalq rəssamı Mikayıl Abdullayev sənət dostunun bu uğurundan vəcdə gələrək yazırdı: “Dünya təcrübəsində yalnız italyan rəssamının bir dağın on görünüşündən başqa heç kim bir obyektin 25 görüntüsünü kətan üzərində əks etdirməyib”.
Hüseyn Əliyevin “Zəngəzur mənzərəsi”, “Zəngəzur dağları”, “Şəki şəlaləsi”, “Comərdli mənzərəsi”, “Meşədə qış”, “Payız”, “Qürub çağı” kimi əsərləri incə müşahidə qabiliyyətinin məhsuludur.
Hüseyn Əliyev həm də portret janrının ustadı idi. Çəkdiyi portretin hər biri insanın daxili dünyasını, sənətini əks etdirmək baxımından maraq doğurur. Məsələn, əlləri qoynunda dayanmış Hüseyn Cavidin portreti çox canlı və mənalıdır. Eləcə də Nizami Gəncəvinin portreti də düşündürücü təsir bağışlayır. Hüseyn Əliyevdən bizə ərməğan qalan bir sıra portretlər var ki, tarixilik baxımından böyük əhəmiyyət daşıyır.
Həyat, sevgi, gözəllik, dinamizm - Hüseyn Əliyev yaradıcılığını bu cür xarakterizə etmək olar.
- 15:58 “Qala” qoruğu Arxeologiya üzrə Açıq Hava Muzeylərinin Beynəlxalq Assosiasiyasına üzv seçilib
- 15:01 Türkiyədə Azərbaycan mədəniyyəti və sənəti günləri keçirilir
- 12:00 Azərbaycanın “Simurq” muğam ansamblı Özbəkistanda XIII “Şərq təranələri” festivalının Qran-pri mükafatını qazanıb
- 11:11 Şuşa Teatrında ilin sonunadək üç yeni tamaşa hazırlanacaq
- 10:58 “Qonağımız var” layihəsi çərçivəsində növbəti konsert baş tutub
- 09:53 Səxavət Məmmədovun xatirəsinə həsr olunan konsert keçiriləcək
- 17:00 Mədəniyyət Nazirliyi Moskva Kino Həftəsində təmsil olunub
- 16:11 Qasım bəy Zakirin 240 illiyinə həsr olunmuş videoçarx hazırlanıb
- 14:46 Mədəniyyət naziri Astara rayonunda vətəndaşları qəbul edib
- 12:14 Bakıdakı Rus evində “XX əsrin əvvəlləri - Azərbaycan rəngli fotoşəkillərdə” mövzusunda mühazirə oxunub
- 11:07 Bu gün görkəmli tarzən Qurban Pirimovun anım günüdür
- 11:03 Milli Kitabxanada “Xalq qəzeti - 105” adlı sərgi açılıb
- 10:25 “Yaşıl dünya naminə həmrəylik ili” çərçivəsində tədbir keçirilib
- 09:42 Mədəniyyət Nazirliyində görkəmli opera müğənnisi Tamara Sinyavskaya ilə görüş olub
- 09:26 “Min bir gecə” baleti Pekində sənətsevərlərin qəlbini fəth edib
- 16:29 Gənc Tamaşaçılar Teatrı yeni teatr mövsümünə hazırlaşır
- 16:05 Laçın Şəhəri Gününə həsr olunmuş tədbir keçirilib
- 15:03 Qaradağ rayon Heydər Əliyev Mərkəzinə ekskursiya təşkil olunub
- 14:35 Bu gün görkəmli yazıçı Əlibala Hacızadənin anadan olmasının 89-cu ili tamam olur
- 12:04 Laçın Şəhəri Günü təntənəli şəkildə qeyd olundu
- 09:48 Bu gün Xalq artisti Böyükxanım Əliyevanın doğum günüdür
- 09:38 Azərbaycanlı rejissorun filmi Cənubi Koreyada mükafat qazanıb
- 09:37 Ramil Qasımov dahi şair Məhəmməd Füzulinin 530 illiyi münasibətilə yeni klip təqdim edib
- 09:27 Bu gün kinorejissor Vaqif Mustafayevin doğum günüdür
- 16:16 Mədəniyyət naziri Adil Kərimli Naxçıvanda vətəndaşları qəbul edəcək
- 15:43 Azərbaycan ilə Türkiyənin kitabxana işi sahəsində birgə layihələri Ankarada müzakirə olunub
- 14:34 Kitabxanada “Yaradıcı oxucular” layihəsi uğurla davam edir
- 14:22 Yaxın günlərdə prioritet ixtisaslara ödənişsiz qəbul aparılacaq
- 12:10 Qələbəyə həsr olunmuş “Borc” bədii filminin çəkilişlərinə başlanılır
- 11:21 Laçın Şəhəri Günü qala konsert və atəşfəşanlıqla başa çatıb
- 09:38 Laçın Şəhəri Günü – Həkəri çayının sahilində çal-çağır
- 09:28 Laçın şəhər seyrəngahında ustad dərsləri, tamaşa nümayişləri
- 09:09 “Qədim sənətin müasir məkanı” adlı tədbir keçirilib
- 17:31 Laçında bayram şöləni davam edir
- 16:35 Laçın Şəhəri Gününün təntənəli açılış mərasimi olub
- 14:33 Zərdüşt Şəfizadənin hekayəsi ərəb portallarında
- 14:30 Gənclər Kitabxanasında Beynəlxalq Azərbaycan Muğamı Günü ilə əlaqədar kitab sərgiləri açılıb
- 12:48 Milli Kitabxanada Laçın Şəhəri Gününə həsr olunmuş sərgi açılıb
- 12:18 Yeni layihə – “Nağılların audiovizual təqdimatı”
- 11:41 Azərbaycan Musiqi Mədəniyyəti Dövlət Muzeyinə ekskursiya təşkil edilib
- 10:31 Bu gün Beynəlxalq Azərbaycan Muğamı və İpək Yolu üzərində yerləşən ölkələrin musiqisi günüdür
- 09:59 Laçın şəhərinin azad olunmasından iki il ötür
- 09:50 Bu gün Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür
- 09:46 Laçın Şəhəri Günü növbəti dəfə təntənə ilə qeyd ediləcək
- 09:36 Kukla Teatrı yeni mövsümdə maraqlı səhnə əsərləri ilə tamaşaçıların görüşünə gələcək
- 09:33 Azərbaycanın ilk peşəkar qadın rəssamı Vəcihə Səmədovaya həsr olunmuş poçt markası hazırlanıb
- 15:05 “Qonağımız var” layihəsi davam edir
- 17:37 Türk Mədəniyyəti və İrsi Fondunun 12 yaşı tamam oldu
- 16:08 Azərbaycanlı şair Şimali Makedoniyada poeziya festivalında iştirak edir
- 15:01 “Aktyor” bədii filmi ekranlaşdırılıb
- 12:12 Musiqili Teatr yeni mövsümdə də ənənəsinə sadiq qalacaq
- 11:23 Kitabxanada tədbir təşkil edilib
- 11:06 Sankt-Peterburqun Aleksandrinski Teatrının yaradıcı heyəti Bakıya qastrola gələcək
- 10:36 Qaradağ rayon Heydər Əliyev Mərkəzinə ekskursiya təşkil olunub
- 10:01 Daşkənddə Azərbaycan və Özbəkistan sənətçilərinə fəxri adlar təqdim olunub
- 09:38 Bu gün Xalq artisti Şahmar Ələkbərovun doğum günüdür
- 09:22 “Zəfər üçün oxu!” layihəsi çərçivəsində “Azərbaycan” mahnısına çəkilən klipin təqdimatı olub
- 11:38 Kitabxanada “COP29 nədir?” adlı məlumat saatı keçirilib
- 10:05 Bu gün Əməkdar artist Aygün Bəylərin anadan olmasının 49 ili tamam olur
- 09:22 Türkdilli region və dövlətləri birləşdirən yayım platformasının yaradılması müzakirə olunub