Oktyabrın 14-də Bakı Şəhər Mədəniyyət Baş İdarəsinin təşkilatçılığı ilə Qaradağ rayon Heydər Əliyev Mərkəzində 44 günlük Vətən müharibəsində qazandığımız şanlı Zəfərin beşinci ildönümü münasibətilə tədbir keçirilib.

Tədbirdə 106, 139 nömrəli tam orta məktəblərin müəllim və şagirdləri iştirak ediblər.

Tədbir çərçivəsində “Qürur və Zəfər tariximiz” mövzusunda mühazirə dinlənilib. Mühazirə zamanı Vətən müharibəsində Azərbaycan Ordusunun göstərdiyi qəhrəmanlıqdan, şəhidlərimizin əziz xatirəsinin daim uca tutulmasından, həmçinin gənc nəslin milli ruhda tərbiyə olunmasının vacibliyindən bəhs edilib. Vətən müharibəsində qazandığımız Zəfərin, Prezident, Müzəffər Ali Baş Komandan İlham Əliyevin qətiyyətli siyasətinin və xalq-ordu birliyinin nəticəsi olduğu vurğulanıb.

Daha sonra qəhrəman əsgərlərimizin döyüş yolunu əks etdirən “Hadrut, sən azadsan!” filmi nümayiş olunub.

Sonda şagirdlər Ümummilli Lider Heydər Əliyevin həyat və siyasi fəaliyyətini əks etdirən ekspozisiya zalı ilə tanış olublar.