“İRƏLİ” Mədəniyyət Mərkəzi və Azərbaycan Musiqi Mədəniyyəti Dövlət Muzeyinin birgə təşkilatçılığı ilə reallaşan “Solo gəlincik” layihəsi davam edir.

Mərkəzdən AZƏRTAC-a bildirilib ki, layihə çərçivəsində növbəti tədbir yanvarın 25-i Qara Qarayevin ev-muzeyində gənc piano ifaçısı Ərtoğrul Balayevin iştirakı ilə keçiriləcək.

Layihənin başlıca məqsədi gənclərin mədəni iştirakçılığının artırılması, musiqi mədəniyyətinin inkişafı və istedadlı gənclərin fəaliyyətinin stimullaşdırılmasına nail olmaqdır.

Qeyd edək ki, Ərtoğrul Balayev müxtəlif vaxtlarda Çexiya, İspaniya və Portuqaliyada keçirilən festival və müsabiqələrində uğur qazanıb.