Yanvarın 17-də Bakı Şəhər Mədəniyyət Baş İdarəsinin təşkilatçılığı ilə H.Abbasov adına Mədəniyyət Mərkəzində "Retro Görüş" layihəsi çərçivəsində Xalq artisti Nəzakət Teymurova ilə görüş keçirilib.

Görüşdə Nəzakət Teymurovanın həyat və fəaliyyəti haqqında məlumat verilib. Bildirilib ki, Azərbaycan Dövlət Akademik Opera və Balet Teatrının solisti olan sənətçinin ilk rolu "Leyli və Məcnun"-da Leyli olub. "Aşıq Qərib"də Şahsənəm, "Gəlin Qayası"nda Gülbahar, "Natavan"da, "Vaqif"də, "Koroğlu"da Xanəndə qız rolları ilə çıxış edib.

Opera solisti kimi fəaliyyət göstərməklə yanaşı, Nəzakət Teymurova həm də muğam, xalq və bəstəkar mahnılarını da yüksək professionallıqla ifa edir. Dövlət səviyyəli tədbirlərdə, yubileylərdə tez-tez çıxış edir.

Sonra sevilən sənətçimiz xalq və bəstəkar mahnıları ilə çıxış edib və ona ünvanlanan sualları cavablandırıb.