Yanvarın 23-də Bakı Şəhər Mədəniyyət Baş İdarəsinin təşkilatçılığı ilə Suraxanı rayon Heydər Əliyev Mərkəzində "Retro Görüş" layihəsi çərçivəsində Əməkdar artist Füzuli Hüseynovla görüş keçirilib.

Görüşdə qonaq qismində Əməkdar artist Aybəniz Haşımova , mədəniyyət işçiləri, ictimaiyyət nümayəndələri və digər qonaqlar iştirak ediblər.

Görüş zamanı Füzuli Hüseynovun həyat və fəaliyyəti haqqında məlumat verilib. Bildirilib ki, Akademik Milli Dram Teatrının aktyoru olan Füzuli Hüseynov bir çox tamaşalarda, filmlərdə yaddaqalan rollar silsiləsi yaradaraq, tamaşaçı rəğbətini qazanıb.

Sevilən aktyor çıxışında aktyorluq peşəsinə gəlməyindən, yaratdığı obrazlar, sevdiyi rollar haqqında danışıb və iştirakçıları maraqlandıran suallara cavab verib.

Sonda Əməkdar artist Aybəniz Haşımova və Sənət akademiyasının tələbələri sevilən ifaları ilə çıxış ediblər.