Bu gün Amerikalı müğənni və aktyor, 20-ci əsrin ən məşhur musiqiçilərindən biri - "Rock 'n-Roll Kralı" Elvis Presleyin doğum günüdür. Elvis Presley 8 yanvar 1935-ci ildə Tupelo şəhərində (Mississippi) anadan olub. 

Uzun həyat yolu olmasa da o, XX əslin pop-mədəniyyətinin ən əlvan simvolu, Rock and Roll Kralı adını qazana bilmişdir. Sevdiyimiz musiqilərin müəllifi əfsanəvi ulduz Elvis Presley haqqında bilmədiyimiz çox şey var. Misal üçün onun təbii sarışın olduğunu bilirdinizmi? Bilmədiyiniz daha 16 fakt sizi gözləyir!

Elvis ulduz olmazdan öncə yükdaşıyan maşın sürücüsü və kinoteatrda bilet satıcısı olub.

Elvisin ilk səs yazması 1953-cü ildə anasına ad günü hədiyyəsi olaraq yazılıb.

Qəlbləri Rock and Roll hitləri ilə fəth etməsinə baxmayaraq Presley ilk Grammy mükafatını «ən yaxşı dini ifa» nominasiyasında qospel janrında yazılmış «How Great Thou Art» albomu ilə qazanıb.

Elvis Presley bir çox filmlərdə rol alıb: «Viva Las Vegas», «Blue Hawaii», «Jailhouse rock». Bundan əlavə ulduz «The Godfather» filmində Vito Corleone rolunu canlandırmağı arzu edirdi, ancaq o, çəkilişə dəvət almayıb.

Musiqiçi RCA ilə müqavilə bağladıqdan sonra 5 min dollar məbləğində avans alıb və dərhal anası üçün Caddilac alıb. («Knockin’ on Heaven’s Door» filmindəki hekayəni xatırladınız?)

Elvisin Honoluluda verdiyi konsert 40 ölkədə yayımlanmış ilk konsert olaraq tarixə keçib.

Elvis Presley döyüş sənətlərinə maraq göstərirdi. Onun karate üzrə qara kəməri belə var idi.

Dünyaca məşhur olmasına baxmayaraq Elvis ABŞ-dan kənarda cəmi 5 konsert verib.

Rock and Roll Kralını populyarlığı XXI əsrdə ölümündən sonra illər keçdikdən sonra belə pik nöqtədə idi. Elvisin mahnılarının Kral Filarmonik Orkestrinin və digər musiqiçilərin ifasında cover versiyalarından ibarət “If I Can Dream” albomu 30 oktyabr 2015-ci ildə işıq üzü görüb və Britaniya chartlarında birinciliyi qazanıb.

Elvisin 1956-cı ildə işıq üzü görmüş “Heartbreak” adında ilk hiti qəzetlərdə yazılmış intihar xəbəri əsasında yazılıb.

Ulduzun əkiz qardaşı doğuş zamanı həyatını itirib.

Elvis rinoplastika və 2 üz liftinqi əməliyyatı keçirib.

Ulduz 1,8 milyard disk satıb. Dünya ulduzları arasında bu sayı keçən olmayıb.

Kralın ən sevdiyi şirniyyat almalı piroq idi.

Onun ən sevdiyi filmi isə «Rebel Without a Cause» filmi idi. Yaxınlarının dediyinə görə, o, filmdəki bütün replikaları əzbər bilirdi.

Rock and Roll kralı 1977-ci ilin 15 avqust tarixindən dünyadan köçüb. Araşdırma zamanı onun qanında 10 növ narkotik maddə aşkar edilib.